టాలీవుడ్ దర్శకుడు రాజమౌళి ఎంతో ప్రతిష్టాత్మకంగా తెరకెక్కిస్తున్న “ఆర్ఆర్ఆర్” ప్రేక్షకులు ఎంతగా ఎదురు చూస్తున్నారో ప్రత్యేకంగా చెప్పాల్సిన పని లేదు. ఇప్పటికే ఈ సినిమా షూటింగ్ దాదాపు పూర్తి కావడంతో త్వరలోనే ఈ సినిమాకు ప్యాకప్ చెప్పి పోస్ట్ ప్రొడక్షన్ పనుల్లో బిజీ కానున్నారు.ఈ క్రమంలోనే ఈ సినిమాకు సంబంధించిన ఓ తాజా సమాచారం ప్రస్తుతం సోషల్ మీడియాలో వైరల్ అవుతోంది.

రాజమౌళి ఎంతో ప్రతిష్టాత్మకంగా తెరకెక్కిస్తున్న ఈ సినిమాలో ఎన్టీఆర్ కొమరం భీమ్ పాత్రలో నటించగా, రామ్ చరణ్ అల్లూరి సీతారామరాజు పాత్రలో నటిస్తున్న సంగతి మనకు తెలిసిందే. అదేవిధంగా ఈ సినిమాలో బాలీవుడ్ స్టార్ హీరో అజయ్ దేవగన్ ఓ కీలక పాత్రలో నటిస్తున్నారని గతంలో తెలియజేశారు. అయితే అతడు ఏ పాత్రలో నటిస్తున్నాడు అనే విషయం గురించి చిత్రబృందం తాజా అప్డేట్ అందించారు.

అజయ్ దేవగన్ ఈ సినిమాలో కొమరం భీమ్ తండ్రి పాత్రలో అంటే ఎన్టీఆర్ తండ్రి పాత్రలో సందడి చేయనున్నారు. అజయ్ దేవగన్ పాత్ర సినిమాలో చాలా హైలెట్ కానుందట. అందుకే దర్శకుడు ఈ పాత్ర పై స్పెషల్ కేర్ తీసుకున్నట్లు తెలుస్తోంది. ప్రస్తుతం ఈ విషయం సోషల్ మీడియాలో చక్కెర్లు కొడుతుంది. అదేవిధంగా ఈ సినిమాలో ఎన్టీఆర్ సరసన ఒలివియా మోరిస్, రామ్ చరణ్ సరసన ఆలియా భ‌ట్‌ నటిస్తున్నారు. అలాగే ఈ సినిమాలో హాలీవుడ్ నుంచి రే స్టీవెన్ స‌న్‌, అలిస‌న్ డూడి లాంటి స్టార్స్ కూడా భాగమవుతున్న సంగతి మనకు తెలిసిందే.