Nirupam Paritaala: పరిటాల నిరుపమ్ అంటే కొన్నిసార్లు ఆలోచించ వచ్చేమో కానీ… కార్తీక దీపం డాక్టర్ బాబు అంటే చిన్న పిల్లలు సైతం గుర్తుపడతారు. అంత పాపులారిటీ దక్కించుకున్న పరిటాల నిరుపమ్ అలియాస్ డాక్టర్ బాబు గురించి ప్రత్యేకంగా చెప్పాల్సిన పనిలేదు. కార్తీకదీపం సీరియల్ ద్వారా ఎంతో మంచి గుర్తింపు సంపాదించుకున్న నిరుపమ్ సోషల్ మీడియాలో కూడా ఎంతో యాక్టివ్ గా ఉంటారు.
ఈ క్రమంలోనే సోషల్ మీడియా వేదికగా అభిమానులు అడిగిన ప్రశ్నలకు సమాధానాలు చెప్పడమే కాకుండా కార్తీకదీపం సీరియల్ గురించి కూడా ఎన్నో విశేషాలను పంచుకుంటారు. ఇక డాక్టర్ బాబు తన భార్య మంజుల తో కలిసి ఒక యూట్యూబ్ ఛానల్ నిర్వహిస్తున్న సంగతి మనకు తెలిసిందే.
అయితే తాజాగా ఈయన సోషల్ మీడియా వేదికగా మాట్లాడుతూ తను యూట్యూబ్ ఛానల్ నిర్వహించడానికి గల కారణం ఏమిటి అనే విషయాలను తెలియజేశారు. సాధారణంగా సీరియల్స్ లో ప్రేక్షకులు ఆ పాత్రలో మాత్రమే మమ్మల్ని చూసి అభిమానిస్తున్నారు. అయితే నిజజీవితంలో వీరు ఎలా ఉంటారని ప్రతి ఒక్కరూ అనుకుంటారు. అలా ప్రతి ఒక్కరికి దగ్గర కావడం కోసమే యూట్యూబ్ ఛానల్ నిర్వహించామని తెలిపారు.
ఆ హీరో నా ఫేవరెట్..
ఇక వెండితెర ఎంట్రీ గురించి పరిటాల నిరుపమ్ మాట్లాడుతూ నాకు ఎంతో ఇష్టమైన హీరో వెంకటేష్. ఆయనతో నటించడానికి అవకాశం వస్తే తప్పకుండా నటిస్తానని తెలిపారు. ప్రస్తుతం ఒక రెండు ప్రాజెక్ట్ ఉన్నాయి అయితే అవి ఇంకా పట్టాలెక్కలేదని ఈ సందర్భంగా పరిటాల నిరుపమ్ వెండితెర ఎంట్రీ గురించి బయట పెట్టారు.