Dimple Kapadia: దెయ్యాలు నిజంగానే ఉన్నాయా అనే ప్రశ్న వేస్తే ఎవరైనా సమాధానం చెప్పడానికి కాస్త ఆలోచిస్తారు. దయ్యాలు ఉన్నాయా లేదా అనే విషయం గురించి ఇప్పటికీ సరైన సమాధానం లేదు. అయితే కొందరు దయ్యాలున్నాయని నమ్ముతారు మరి కొందరు ఇలాంటి మాటలను కొట్టిపారేస్తారు.

తాజాగా దయ్యాల గురించి ప్రముఖ బాలీవుడ్ నటుడు అక్షయ్ కుమార్ భార్య ట్వింకిల్ ఖన్నా షాకింగ్ కామెంట్స్ చేశారు. ఈ సందర్భంగా ఆమె మాట్లాడుతూ తన తల్లి డింపుల్ కపాడియా జైపూర్ లోని రాయల్ ప్యాలెస్ లో దయ్యం ఉందని తన తల్లి ఆ దెయ్యంతో మాట్లాడారని వెల్లడించారు. తన తల్లి 1990లో ‘లేకిన్’సినిమా షూటింగ్ సమయంలో జైపూర్ లోని రాయల్ ప్యాలెస్ లో గడిపారు. అదే గదిలో తన పక్కన ఒక మహిళ ఉండగా తనతో మాట్లాడినట్లు ఆమె తెలిపారు.

ఆ గదిలో తనతో పాటు ఉన్నది దయ్యమని తన తల్లి దయ్యంతో మాట్లాడిందని వెల్లడించారు. ఇక ఈ విషయంపై జైపూర్ రాజవంశీకురాలు, రాజమాత పద్మిని దేవి మాట్లాడుతూ.. జైపూర్ రాయల్ ప్యాలెస్ లో ఎలాంటి దయ్యాలు లేవు. తన తల్లి డింపుల్ కపాడియా సినిమాలో ఒక దెయ్యం పాత్రలో నటించారు.ఆమె రోజంతా అలాంటి పాత్రలో నటించడం వల్ల రాత్రికి కూడా అదే పాత్రలో లీనమై దయ్యం ఉన్నట్లు ఊహించుకున్నారు.

కేవలం తన భ్రమ మాత్రమే..

ఈ విధంగా ఆమె దయ్యం పాత్రలో నటించడం వల్ల తనకు అలాంటి బ్రమ కలిగిందని ఎలాంటి దయ్యాలు లేవని తనతో చెప్పినట్లు ఈ సందర్భంగా పద్మిని దేవి ఈ విషయంపై క్లారిటీ ఇచ్చారు. రాయల్ ప్యాలెస్ లో ఎలాంటి దయ్యాలు లేవనే విషయం గురించి ఈమె ఇలా క్లారిటీ ఇచ్చారు. గుల్జార్ దర్శకత్వంలో తెరకెక్కిన లేకిన్ సినిమాలో డింపుల్ కపాడియా రేవా అనే దెయ్యం పాత్రలో నటించారు.