Jhansi: టాలీవుడ్ ఇండస్ట్రీలో స్టార్ యాంకర్ గా ఎంతో పేరు ప్రఖ్యాతలు సంపాదించుకున్నటువంటి వారిలో సీనియర్ యాంకర్ ఝాన్సీ ఒకరు. ఈమె ఇండస్ట్రీలో ఎంతో బిజీగా గడుపుతున్నారు. ఒకానొక సమయంలో వరుస బుల్లితెర కార్యక్రమాల ద్వారా ఎంతో బిజీగా ఉన్నటువంటి ఝాన్సీ ప్రస్తుతం యాంకరింగ్ కు దూరం అయ్యారు.
ఇలా యాంకర్ గా బుల్లితెరకు వస్తే చెప్పినటువంటి ఈమె వెండితెరపై మాత్రం వరుస సినిమాలలో నటిస్తున్నారు. ఎన్నో విభిన్నమైనటువంటి పాత్రలలో నటిస్తూ ప్రేక్షకులను సందడి చేస్తున్నటువంటి ఝాన్సీ తాజాగా సోషల్ మీడియా వేదికగా షేర్ చేసినటువంటి ఒక వీడియో వైరల్ గా మారింది. ఇందులో భాగంగా ఈమె రోడ్డుపై ఉన్నటువంటి చెత్తను మొత్తం ఏరుకొని తన కారులో వేసుకుంటూ కనిపించారు.
ఈ సందర్భంగా ఝాన్సీ ఈ చెత్తను ఏరుకోవడం గురించి నేటిజన్స్ వివిధ రకాలుగా కామెంట్లు చేస్తున్నారు. అయితే చెత్త ఏరుకోవడానికి గల కారణాలు ఏంటి అనే విషయాన్ని కూడా ఈమె సోషల్ మీడియా వేదికగా షేర్ చేశారు. సాధారణంగా ప్రకృతి నుంచి లభించిన ఏ వస్తువు పాడైన తిరిగి అది ప్రకృతికి ఎంతో ఉపయోగపడుతుంది అనే సంగతి మనకు తెలిసిందే.
బూడిద చేయకండి…
ఈ క్రమంలోనే ఈమె రోడ్డు పక్కన ఎండిపోయిన గడ్డి ఆకులను ఏరుకుంటున్నారు.ఇక ఈ విషయం గురించి ఈమె సోషల్ మీడియాలో స్పందిస్తూ ఎండిపోయిన ఆకులు గడ్డిని కాల్చి బూడిద చేయకండి.అవి మన మట్టికి చాలా ఉపయోగపడతాయి. అవి ప్రకృతి సమతౌల్య సూత్రం అంటూ పేర్కొన్నారు. ఈ వీడియో వైరల్ గా మారడంతో ఈమెపై నేటిజన్స్ ప్రశంసల కురిపిస్తున్నారు.