Krithi Shetty: కృతి శెట్టి ఈ పేరు గురించి పరిచయం అవసరం లేదు. ఉప్పెన సినిమా ద్వారా ఉప్పెనలా ఎగిసిపడుతూ అవకాశాలను అందుకొని వరుస సినిమాలతో బిజీగా ఉన్నారు.ఇలా వరుస సినిమాలలో నటిస్తూ ఎంతో బిజీగా ఉన్న ఈ ముద్దుగుమ్మ తాజాగా ఒక ఇంటర్వ్యూలో పాల్గొని తన సినీ కెరియర్ గురించి ఎన్నో ఆసక్తికరమైన విషయాలను వెల్లడించారు. ఈ సందర్భంగా ఈమె మాట్లాడుతూ కథలు ఎంపిక చేసుకునే విధానం ఎంతగానో నచ్చుతుందని, ప్రతి సినిమాకుఎంతో వేరియేషన్ ఉంటుందని అందుకే తన సెలక్షన్ నచ్చుతుందని కృతి శెట్టి తెలిపారు.
ఇకపోతే తాను రంగస్థలం సినిమా చూసినప్పటి నుంచి రామ్ చరణ్ అభిమాన హీరోగా మారిపోయారని అలాగే ఉప్పెన సినిమా తర్వాత మెగాస్టార్ చిరంజీవి తనకు ఒక లేఖ రాసి పంపించారని ఇప్పటికి ఆలేక తన దగ్గర చాలా భద్రంగా ఉందని ఈమె పేర్కొన్నారు.ఇకపోతే తమిళ సినిమా ఇండస్ట్రీ విషయానికి వస్తే తనకు శివ కార్తికేయన్ అంటే ఎంతో ఇష్టమైన హీరో అని తెలిపారు. తనే నా ఫస్ట్ క్రష్ అని కృతి శెట్టి తెలిపారు.ఇప్పటివరకు ఆయన నటించిన సినిమాలన్నీ తాను చూసానని ఈ సందర్భంగా ఈమె పేర్కొన్నారు.
ఇకపోతే తనకు చాలా వరకు కోపం రాదని ఒకవేళ కోపం వచ్చిన గదిలోకి వెళ్లి నిద్రపోతానని నిద్రలేచేసరికి తన కోపం పూర్తిగా తగ్గిపోతుందని కృతి శెట్టి తెలిపారు. అదే నా బలం అని అలాగే బలహీనత గురించి కూడా మాట్లాడారు. ఎవరైనా తన ముందు గట్టిగా అరిచిన గొడవపడిన తనకు ఏడుపొస్తుందని అందుకే ఫ్రాంక్ వీడియో సమయంలో ఏడ్చేసానని తెలిపారు.
స్వీట్స్ అంటే భలే ఇష్టం..
ఇక తనకు ఫుడ్ విషయానికి వస్తే స్వీట్స్ ఎక్కువగా తింటానని అయితే హీరోయిన్ అయిన తర్వాత పూర్తిగా స్వీట్స్ పక్కన పెట్టాల్సి వచ్చిందని ఈమె తెలిపారు. అలా రోడ్డుపై వెళ్తున్నప్పుడు స్వీట్ షాప్స్ కనుక కనపడితే చాలా బాధేస్తుందని, ఇక ఉప్పెన సినిమా సమయంలోనే తాను పెరుగన్నం తినడం నేర్చుకున్నానని ఈ సందర్భంగా కృతి శెట్టి తన ఇష్ట ఇష్టాల గురించి వెల్లడించారు. ప్రస్తుతం ఈమె చేసిన ఈ కామెంట్స్ వైరల్ అవుతున్నాయి.