Cash Programme: బుల్లితెరపై సుమ వ్యాఖ్యాతగా వ్యవహరించే కార్యక్రమాలలో క్యాష్ దొరికినంత దోచుకో ఒకటి. ఈ కార్యక్రమం ద్వారా సుమ చేసే రచ్చ మామూలుగా ఉండదు. ప్రతివారం ప్రసారమౌతూ ప్రేక్షకులకు కావలసినంత వినోదాన్ని పంచుతున్న ఈ కార్యక్రమం ఈవారం ప్రసారమయ్యే ఎపిసోడ్ కి సంబంధించిన ప్రోమోని విడుదల చేశారు.

ఈ ప్రోమోలో భాగంగా ఈ కార్యక్రమానికి రియల్ కపుల్స్ సిద్ధార్థ వర్మ – విష్ణు ప్రియ వచ్చారు. అదేవిధంగా రీల్ కపుల్ గా ఎంతో మంచి పేరు తెచ్చుకున్న రవి కృష్ణ -నవ్య స్వామి హాజరయ్యారు.ఇక ఈ నలుగురితో సుమ ఎప్పటిలాగే తనదైన శైలిలో వీరి పై పంచులు వేస్తూ షో మొత్తం సందడి చేసినట్లు తెలుస్తోంది.

ఈ ప్రోమోలో భాగంగా సుమ వీరితో లిప్ స్టిక్ లీగ్ కాన్సెప్ట్ పెట్టారు. ఇందులో భాగంగా విష్ణు ప్రియ సిద్ధార్థ్ వర్మ పాల్గొన్నారు. సుమ అడిగిన ప్రశ్నలకు విష్ణు ప్రియ తన భర్త సిద్ధార్థ వర్మకి ముద్దు పెట్టాలి. తన బుగ్గల పై పెదాల గుర్తు సరిగా పడితే తను అడిగిన ప్రశ్నకు సమాధానం చెప్పే పనిలేదు. లేదంటే సమాధానం చెప్పాల్సి వస్తుంది. ఇక ఈ కాన్సెప్టులో విష్ణుప్రియ ముద్దులు పెడుతుంటే.. రవి కృష్ణ సినిమా వారి వంక ఆశ్చర్యంగా చూశారు.

పెళ్లి కాని వారితో ఏంటి ఈ స్టెప్పులు..

ఇక వీరిద్దరూ రియల్ కపుల్స్ కాబట్టి ఈ కాన్సెప్ట్ పెట్టారు. రవికృష్ణ నవ్య స్వామి రీల్ కపుల్ కావడంతో ఈ కాన్సెప్ట్ కాకుండా వీరితో పుష్ప సినిమాలోని ఉ అంటావా మామ… ఊ.. ఊ అంటావా మామ అనే ఫ్లోర్ స్టెప్ వేయించారు. దీంతో నెటిజన్లు పెద్దఎత్తున ఆగ్రహం వ్యక్తం చేస్తున్నారు.ఈ విధంగా పెళ్లి కాని వారిని మీ కార్యక్రమానికి పిలిచి వారితో ఇలాంటి ఐటమ్ సాంగులకు స్టెప్పులు వేయించడం ఏంటి అంటూ పెద్దఎత్తున ఫైర్ అవుతున్నారు.