Navya swami:ప్రస్తుత కాలంలో బుల్లితెరపై ప్రసారమయ్యే సీరియల్ తో పాటు వివిధ కార్యక్రమాలకు ఎంతో మంచి ఆదరణ ఉందని చెప్పాలి. ఈ క్రమంలోనే ఎన్నో సరికొత్త కాన్సెప్ట్ లతో ప్రేక్షకుల ముందుకు వివిధ రకాల షోలువస్తున్నాయి. ఈ క్రమంలోనే జీ తెలుగులో ప్రదీప్ వ్యాఖ్యాతగా వ్యవహరిస్తున్నటువంటి సూపర్ కార్యక్రమం ఒకటి.
ఈ కార్యక్రమంలో భాగంగా ఎంతోమంది బుల్లితెర నటీనటులు పాల్గొని ప్రేక్షకులను సందడి చేస్తున్నారు.ఇకపోతే ఈ వారం ప్రసారం కాబోయే ఎపిసోడ్ కి సంబంధించిన ప్రోమో విడుదల చేశారు. ఈ ప్రోమోలో భాగంగా నవ్యస్వామి తీవ్రంగా గాయపడినట్లు తెలుస్తోంది. ఈ ప్రమాదంలో భాగంగా ఆమె చేతికి పెద్ద ఎత్తున దెబ్బ తగిలి రక్తం కారుతోంది.
సెమీ ఫైనల్స్ కి చేరుకున్న సూపర్ క్వీన్ కార్యక్రమంలో భాగంగా నిర్వాహకులు కంటెస్టెంట్ లకు ఒక టాస్క్ ఇచ్చారు. ఈ టాస్క్ లో భాగంగా కంటెస్టెంట్ లు వారి మోచేతులతో కూల్ డ్రింక్ టిన్స్ పగలగొట్టాలి. ఈ విధంగా ఈ టాస్క్ లో పాల్గొన్న కొందరికి గాయాలు అయినట్లు తెలుస్తోంది.
రేటింగ్ కోసమేనా…
మోచేతి తో కూల్ డ్రింక్ టిన్స్ పగలగొట్టే సమయంలో బుల్లితెర నటి నవ్య స్వామి అలాగే భాను చేతులకి గాయాలయ్యాయని తెలుస్తోంది.ఈ ప్రోమోలో భాగంగా వీరి మోచేతికి అలాగే వేళ్ళ మధ్యలో నుంచి రక్తం కారుతున్నట్టు చూపించారు. ఈ ప్రోమో సోషల్ మీడియాలో వైరల్ గా మారింది. నిజంగానే ఈ ప్రోమో లో చూపించిన విధంగా వీరి చేతికి గాయాలు అయ్యాయా లేకపోతే ఈ కార్యక్రమంపై అంచనాలు పెంచడం కోసమే ఇలా చేశారా అనే విషయం తెలియాల్సి ఉంది.
