RRR Movie: రాజమౌళి సినిమా పై అసంతృప్తి వ్యక్తం చేసిన శివరాజ్ కుమార్…కారణం అదేనా?

RRR Movie: రాజమౌళి దర్శకత్వంలో తెరకెక్కిన ఆర్ఆర్ఆర్ సినిమా ప్రపంచ వ్యాప్తంగా శుక్రవారం విడుదలై మంచి ఆదరణ దక్కించుకుంది. ఇక ఈ సినిమా చూసిన ఎంతోమంది అభిమానులు సెలబ్రిటీలు సినిమాపై పాజిటివ్ రివ్యూ ఇచ్చారు. అలాగే మరికొందరు ఈ సినిమా గురించి కాస్త నెగిటివ్ అభిప్రాయాన్ని తెలియజేస్తున్నారు.

ఇకపోతే కన్నడనాట ప్రేక్షకుల నుంచి ఆర్ఆర్ఆర్ కి చేదు అనుభవం ఎదురయింది. అక్కడి ప్రేక్షకులు ఈ సినిమా పై అసంతృప్తి వ్యక్తం చేస్తున్నారు.కేవలం ప్రేక్షకులు మాత్రమే కాకుండా కన్నడనాట సూపర్ స్టార్ గా ఎంతో మంచి పేరు సంపాదించుకున్న శివరాజ్ కుమార్ కూడా ఈ సినిమాపై అసంతృప్తితో ఉన్నట్లు తెలుస్తోంది.

ఇక ఈ సినిమాపై శివ రాజ్ కుమార్ అలా అసంతృప్తి వ్యక్తం చేయడానికి గల కారణం ఏమిటి అనే విషయానికి వస్తే… తన సోదరుడు దివంగత పునీత్ రాజ్ కుమార్ నటించిన చివరి చిత్రం జేమ్స్. ఈ సినిమా కన్నడలో విడుదలై అద్భుతమైన కలెక్షన్లను దక్కించుకుంది. ఈ సినిమా విడుదలై దాదాపు పది రోజులు అవుతున్నప్పటికీ మంచి కలెక్షన్లను రాబడుతోంది. అయితే ఈ సమయంలోనే రాజమౌళి సినిమా విడుదల కావడంతో కన్నడనాట సుమారు 270 థియేటర్లలో జేమ్స్ సినిమాను తీసేశారు.

తీవ్ర వ్యతిరేకత ఏర్పడింది…

ఈ విధంగా పునీత్ రాజ్ కుమార్ నటించిన జేమ్స్ సినిమా తొలగించడంతో శివ రాజ్ కుమార్ అసంతృప్తి వ్యక్తం చేస్తూ ఫిలిం ఛాంబర్ ని కలిసి ఈ విషయంపై ఫిలిం ఛాంబర్ అధికారులను ప్రశ్నించినట్లు తెలుస్తోంది. థియేటర్లలో అద్భుతంగా ఆడుతున్న సినిమాని ఎలా తొలగిస్తారు అంటూ ఆయన ప్రశ్నించారు. ఈ విషయంపై కన్నడ ప్రేక్షకులు కూడా ఇదే అభిప్రాయంతో ఉన్నట్లు తెలుస్తోంది.ఇక ఈ సినిమా ప్రీ రిలీజ్ వేడుకలో చిక్బలాపూర్ లో నిర్వహించగా ఈ కార్యక్రమానికి కర్ణాటక ముఖ్యమంత్రి, సినీ నటుడు శివరాజ్ కుమార్ ను ఆహ్వానించారు. ఇలా వీరందరినీ ఆహ్వానించడంతో కన్నడలో ఈ సినిమాకి మంచి రెస్పాన్స్ వస్తుందని భావించారు. అయితే ఇలా అత్యధిక థియేటర్లలో సినిమాని తొలగించడంతో ఈ సినిమాకు తీవ్ర వ్యతిరేకత ఏర్పడింది.