Un Stoppable 2: బాలకృష్ణ వ్యాఖ్యాతగా ఆహాలో ఎంతో ప్రతిష్టాత్మకంగా ప్రసారమైనటువంటి అన్ స్టాపబుల్ కార్యక్రమం ఎలాంటి విజయం సాధించిందో మనకు తెలిసిందే. ఈ క్రమంలోనే ఈ కార్యక్రమాల ద్వారా ఎంతో మంది సెలబ్రిటీలను ఆహ్వానించి వారిని తనదైన శైలిలో ప్రశ్నలు అడుగుతూ వారిని నుంచి ఎన్నో సమాధానాలను రాబట్టారు. ఇలా మొదటి సీజన్లో పెద్ద ఎత్తున సెలబ్రిటీలు ఈ వేదికపై సందడి చేశారు.
ఇక ఈ కార్యక్రమం మంచి విజయం అందుకోవడంతో ఈ కార్యక్రమానికి సీక్వెల్ గా సీజన్ 2 కార్యక్రమాన్ని ప్రారంభిస్తున్నారు. ఇప్పటికే ఈ కార్యక్రమానికి సంబంధించిన స్పెషల్ సాంగ్ సోషల్ మీడియాలో వైరల్ అవుతుంది.త్వరలోనే ఈ కార్యక్రమం ప్రేక్షకుల ముందుకు రావడానికి సిద్ధమైంది. ఇకపోతే ఈ సీజన్ 2 కి ఓ ప్రత్యేకత ఉంది.
మొదటి సీజన్లో కేవలం సినీ సెలబ్రిటీలను మాత్రమే ఆహ్వానించారు. కానీ రెండవ సీజన్లో మాత్రం రాజకీయ నాయకులని కూడా ఈ కార్యక్రమానికి తీసుకువచ్చే ఆలోచనలో ఉన్నట్టు సమాచారం. ముఖ్యంగా ఈ కార్యక్రమానికి తెలుగుదేశం పార్టీ అధినేత చంద్రబాబు నాయుడు హాజరుకానున్నట్లు సమాచారం.
Un Stoppable 2: ముఖ్యఅతిథిగా మెగాస్టార్…
చంద్రబాబు నాయుడు స్వయాన బాలకృష్ణకు బావ కావడంతో తనని ఈ కార్యక్రమానికి తీసుకువచ్చే బాధ్యత బాలకృష్ణ తన భుజాలపై వేసుకున్నారని చంద్రబాబు నాయుడుని తనదైన శైలిలో ప్రశ్నించడానికి బాలకృష్ణ కూడా సిద్ధంగా ఉన్నారని తెలుస్తోంది.ఇదే కనుక నిజమైతే మొదటిసారి రాజకీయ నాయకులను కూడా ఇలాంటి టాక్ షోలకు తీసుకువచ్చిన ఘనత ఆహా కి మాత్రమే చెల్లుతుందని చెప్పాలి.ఇకపోతే సీజన్ 2 లో బాలకృష్ణ చిరంజీవి ఇద్దరు ఒకే వేదికపై సందడి చేయబోతున్నట్లు తెలుస్తోంది. మరి ఈ వార్తలలో ఎంతవరకు నిజముందో తెలియాల్సి ఉంది.