Mahesh Babu – Tharun: సూపర్ స్టార్ కృష్ణ తనయుడుగా ఇండస్ట్రీలోకి బాలనటుడిగా ఎంట్రీ ఇచ్చారు మహేష్ బాబు. ఇలా బాల నటుడిగా ఎంతో మంచి గుర్తింపు సంపాదించుకున్న ఈయన హీరోగా ఎంట్రీ ఇచ్చారు. మహేష్ బాబు హీరోగా నటిస్తున్న సమయంలో కృష్ణ మహేష్ బాబు తన కాంబినేషన్ లో ఒక సూపర్ హిట్ చిత్రం కావాలని రచయితలకు చెప్పారు.
వీరిద్దరి కాంబినేషన్లో సినిమా రావాలంటే చాలా అద్భుతమైన కథ ఉండాలని భావించిన రచయితలు వీరి కోసం వంశీ సినిమాని తీసుకువచ్చారు. బి గోపాల్ రెడ్డి దర్శకత్వంలో 1999 జులై 12వ తేదీ ఈ సినిమా షూటింగ్ ప్రారంభించి ఉంది. ఫారెస్ట్ బ్యాక్ డ్రాప్ లో తెరకెక్కిన ఈ చిత్రంలో కృష్ణ ఫారెస్ట్ ఆఫీసర్ పాత్రలో నటించారు.
ఈ సినిమాలో మహేష్ బాబు సరసన నమ్రత నటించారు. ఈ సినిమాతోనే వీరిద్దరూ ప్రేమలో పడ్డారు. ఇలా ఎన్నో అంచనాల నడుమ ఈ సినిమా 2000 వ సంవత్సరం అక్టోబర్ నెలలో విడుదలైంది. బాక్సాఫీస్ వద్ద భారీ ఓపెనింగ్స్ రాబట్టింది. అయితే ఈ సినిమా విడుదలైన వారానికి తరుణ్ సినిమా విడుదలైంది.
యువతను ఆకట్టుకున్న నువ్వే కావాలి…
తరుణ్ హీరోగా నటించిన మొట్టమొదటి చిత్రం నువ్వే కావాలి. ఈ సినిమా విడుదల కావడంతో యువతను బాగా ఆకట్టుకుంది. ఇలా ఈ సినిమా మహేష్ బాబు వంశీ సినిమా కలెక్షన్ల పై భారీ దెబ్బ కొట్టిందని చెప్పాలి. నువ్వే కావాలి విడుదలైన తర్వాత మహేష్ బాబు వంశీ సినిమా కలెక్షన్లు పూర్తిగా తగ్గిపోయాయి. అప్పట్లో నువ్వేకావాలి సినిమా ఎలాంటి క్రేజ్ దక్కించుకుందో మనందరికీ తెలిసిందే.