Kriti Shetty: ‘ఉప్పెన’ సినిమా ద్వారా టాలీవుడ్ లోకి గ్రాండ్ ఎంట్రి ఇచ్చింది కృతిశెట్టి. మెగా కుటుంబం నుంచి వైష్ణవ్ తేజ్ ను పరిచయం చేస్తూ సుకుమార్ శిష్యుడు బుచ్చిబాబు సానా తీసిన ఉప్పెన సినిమా మెగా హిట్ సాధించింది. ముఖ్యంగా ఈసినిమాలో కృతిశెట్టి ఓవర్ నైట్ లో మోస్ట్ పాపులర్ హీరోయిన్ గా మారింది.
తన అందం, నటనతో యువత మనసును కొల్లగొట్టింది. ఈ సినిమాతో కృతిశెట్టికి ఆఫర్లు వెళ్లు వెత్తాయి. వరసగా సినిమాలకు కమిట్ అవుతోంది. ఇప్పటికే కృతిశెట్టి ఖాతాలో ఆరు సినిమాలు ఉన్నాయి.
నానితో తీసిన శ్యాం సింగరాయ్ కూడా కృతిశెట్టికి ప్లస్ అయింది. ఈ సినిమా కూడా విజయం సాధించింది.
ఈ సినిమాతో నానితో లిప్ లాక్ తో ఈ భామ సెన్సెషన్ క్రియేట్ చేసింది. కథ డిమాండ్ చేస్తే బోల్డ్ సీన్లకు కూడా వెనకాడననే ఉద్దేశాన్ని తెలిపింది. ప్రస్తుతం నాగ చైతన్యకు జోడీగా ‘బంగార్రాజు’తో ప్రేక్షకుల ముందుకు రాబోతోంది. తాజాగా మెగా కాంపౌడ్ లోకి ఎంట్రీ ఇస్తోంది కృతిశెట్టి. తాజాగా ఓ లేడి ఓరియంట్ సినిమాకు కమిట్ అయినట్లు వార్తలు వినిపిస్తున్నాయి.
ఈ బ్యానర్ పై ఇప్పటికే షూట్ ఔట్ ఎల్ ఆలేర్…
ఈ చిత్రాన్ని మెగాస్టార్ చిరంజీవి డాటర్ సుష్మిత గోల్డ్ బాక్స్ ఎంటర్ టైన్ మెంట్స్ బ్యానర్ పై నిర్మించబోతున్నారు. ఈ బ్యానర్ పై ఇప్పటికే షూట్ ఔట్ ఎల్ ఆలేర్ వెబ్ సిరీస్ నిర్మించింది. తాజాగా నటకిరిటీ డా. రాజేంద్ర ప్రాసాద్తో నిర్మించిన సేనాపతి వెబ్ ఫిలింతో ప్రశంసల్ని అందుకున్నారు. తృతీయ ప్రయత్నంగా ఓ లేడీ ఓరియెంటెడ్ మూవీని నిర్మించబోతున్నారు సుష్మిత. ఉయ్యాల జంపాల మజ్ను వంటి చిత్రాలని అందించి దర్శకుడిగా మంచి గుర్తింపుని తెచ్చుకున్న విరించి వర్మ ఈ మూవీని డైరెక్ట్ చేయబోతున్నారు. మజ్నూ తర్వాత పెద్దగా సినిమాలు చేయని విరించి వర్మ మంచి లేడీ ఓరియెంటెడ్ కథను సిద్దం చేసుకున్నట్లు తెలుస్తోంది. ఈ సినిమాలో పూర్తిగా మోడ్రన్ యువతిగా కృతిశెట్టి కనిపించనుంది. ప్రస్తుతం బేబమ్మ.. సుధీర్ బాబుతో కలిసి ఈ అమ్మాయి గురించి మీకు చెప్పాలి నితిన్ తో మాచర్ల నియోజకవర్గం హీరో రామ్ తో ఎన్ లింగుసామి రూపొందిస్తున్న యాక్షన్ ఎంటర్టైనర్ మూవీలలో నటిస్తూ బిజీగా ఉంది.