Vantalakka: బుల్లితెర పై ప్రసారమవుతున్న కార్తీకదీపం సీరియల్ కు ఎలాంటి క్రేజ్ ఉందో మనకు తెలిసిందే. ఈ సీరియల్స్ ద్వారా పరిటాల నిరుపమ్(డాక్టర్ బాబు) ప్రేమి విశ్వనాథ్ (వంటలక్క) ఎంతోమంది అభిమానులను సొంతం చేసుకున్నారు. ఈ సీరియల్ లోవీరిద్దరూ కార్తీక్ దీప పాత్రలలో నటించినప్పటికీ వీరిద్దరూ మాత్రం డాక్టర్ బాబు వంటలక్కగా ఎంతో మంచి గుర్తింపు పొందారు.
ఇకపోతే తాజాగా వంటలక్క డాక్టర్ బాబు ఇంటికి వెళ్లి పెద్ద ఎత్తున సందడి చేసినట్టు తెలుస్తోంది. ఈ సీరియల్ గత ఆరు సంవత్సరాల నుంచి ప్రసారమవుతున్నప్పటికీ డాక్టర్ బాబు తనని ఇంటికి ఆహ్వానించలేదని వంటలక్క తెలియజేశారు. ఇకపోతే మార్నింగ్ షూటింగ్ కి వచ్చి ఈవినింగ్ ఫ్లైట్ కి వెళ్ళిపోతారని డాక్టర్ బాబు చెప్పుకొచ్చారు.
కార్తీక్ ఇంట్లో సందడి చేసిన దీపకు మంజుల తన కుమారుడు రిక్కి వేసిన పెయింటింగ్స్ మొత్తం చూపించారు. అలాగే డాక్టర్ బాబు తల్లి దీపతో ఎంతో సరదాగా మాట్లాడారు. ఇక కార్తీక్ తన ఇంటిని మొత్తం వంటలక్కకి చూపించారు. ఇక వంటలక్కను ఆహ్వానించడంతో ప్రత్యేకమైన భోజనాలను ఏర్పాటు చేశారు.
Vantalakka: డాక్టర్ బాబు ఇంట్లో వంటలక్క…
ఇక అందరూ కలిసి సరదాగా భోజనం చేయడమే కాకుండా వంటలక్క డాక్టర్ బాబు ఒకరిపై మరొకరు సెటైర్లు కూడా వేసుకున్నారు. వంటలక్క డాక్టర్ బాబు మంజుల కోసం ప్రత్యేకంగా గిఫ్టులు కూడా తీసుకువచ్చారు. ఇక దీప వెళ్లే సమయానికి డాక్టర్ బాబు భార్య మంజుల తనకు సాంప్రదాయ బద్ధంగా చీర సారే పెట్టి పంపించారు. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ గా మారింది.