Varun Tej: పిఠాపురం నుంచి జనసేన అభ్యర్థి పవన్ కళ్యాణ్ పోటీ చేస్తున్న సంగతి మనకు తెలిసిందే. ఈయన జనసేన టిడిపి బిజెపి కూటమిలో భాగంగా పిఠాపురం నియోజకవర్గం నుంచి పవన్ కళ్యాణ్ ఈసారి ఎన్నికల బరిలో దిగారు. కాపులు అధికంగా ఉన్నటువంటి ఈ నియోజకవర్గంలో ఇప్పటికే పవన్ కళ్యాణ్ కు భారీ స్థాయిలో మద్దతు లభిస్తుంది కానీ ఈయనకు ప్రత్యర్థిగా వైసిపి నుంచి వంగా గీతా కూడా పోటీ చేస్తున్నారు..

ఇక వంగా గీత ప్రస్తుతం స్థానికంగా ఎంపీ అభ్యర్థిగా ఉన్నారు అయితే వచ్చే ఎన్నికలలో ఎమ్మెల్యే అభ్యర్థిగా పోటీ చేయబోతున్నారు. ఇక ఈమె కూడా కాపు సామాజిక వర్గానికి చెందినది కావడంతో పవన్ కళ్యాణ్ పిఠాపురంలో పకడ్బందీగా ప్రచార కార్యక్రమాలను నిర్వహిస్తున్నారు. ఇప్పటికే పలువురు జబర్దస్త్ కమెడియన్స్ పిఠాపురంలో పర్యటించి జనసేన ప్రచార కార్యక్రమాలను నిర్వహించిన సంగతి తెలిసిందే.

ఇకపోతే పిఠాపురంలో జనసేన ప్రచార కార్యక్రమాలలో భాగంగా మెగా ప్రిన్స్ వరుణ్ తేజ్ పాల్గొనబోతున్నారు. నేడు మధ్యాహ్నం మూడు గంటల సమయం నుంచి ఈయన పిఠాపురంలో జనసేన పార్టీ తరఫున ప్రచార కార్యక్రమాలను నిర్వహించబోతున్నట్లు పార్టీ అధిష్టానం పిలుపునిచ్చింది.

జనసేన ప్రచారాలలో వరుణ్ తేజ్..
గతంలో వరుణ్ రాజకీయాల గురించి మాట్లాడుతూ తాము ఎప్పుడు బాబాయికి సపోర్ట్ గా ఉంటామని బాబాయ్ పిలవడమే ఆలస్యం తాము ప్రచార కార్యక్రమాలలో కూడా పాల్గొంటామని తెలిపారు. అయితే తన బాబాయ్ పిలుపు మేరకు అబ్బాయ్ నేడు జనసేన ప్రచార కార్యక్రమాలను నిర్వహించబోతున్నారని తెలుస్తోంది.