Venkatesh: సంకీర్తన సినిమా ద్వారా తెలుగు చిత్ర పరిశ్రమకు దర్శకుడుగా పరిచయమైన గీతాకృష్ణ ఇండస్ట్రీలో పలు సినిమాలకు దర్శకత్వం వహించి దర్శకుడుగా గుర్తింపు పొందారు. అయితే గత కొంతకాలంగా ఈయన ఇండస్ట్రీకి దూరంగా ఉంటున్నారు. ఇలా ఇండస్ట్రీకి దూరమైన గీతాకృష్ణ ఎక్కువగా యూట్యూబ్ ఛానల్ ఇంటర్వ్యూలలో పాల్గొంటున్నారు.

ఈ విధంగా గీతాకృష్ణ పలు యూట్యూబ్ ఛానల్ ఇంటర్వ్యూలకు హాజరవుతూ ఇండస్ట్రీకి సంబంధించిన సెలబ్రిటీల గురించి సంచలన వ్యాఖ్యలు చేశారు. ఈ క్రమంలోనే ఈయన చేసినటువంటి కామెంట్స్ ప్రస్తుతం వైరల్ అవుతున్నాయి. గీతాకృష్ణ తాజాగా వెంకటేష్ గురించి సంచలన వ్యాఖ్యలు చేశారు. వెంకటేష్ రానా హీరోలుగా నటించిన రానా నాయుడు వెబ్ సిరీస్ గురించి గీతా కృష్ణ ఈ సందర్భంగా మాట్లాడారు.

రానా వెంకటేష్ తమకు నచ్చిన కథను ఎంపిక చేసుకొని వారికి నచ్చిన సిరీస్ లో నటించడంలో తప్పేముందని ఈయన తెలిపారు.అయితే ఈ సిరీస్ బోల్డ్ కంటెంట్ ఉండడంతో పెద్ద ఎత్తున విమర్శలు ఎదుర్కొన్న విషయం మనకు తెలిసిందే.ఈ విషయాన్ని దృష్టిలో పెట్టుకొని మాట్లాడిన గీతాకృష్ణ ఈ సిరీస్ చేయడంలో తప్పు లేదని తెలిపారు. అయినా నిజజీవితంలో కూడా వెంకటేష్ రానా అంత పవిత్రులేమీ కాదు అంటూ తెలిపారు.

Venkatesh: వివాదాలకు దూరంగా వెంకటేష్..

ఇలా వెంకటేష్ గురించి గీతాకృష్ణ చేసిన ఈ కామెంట్స్ సోషల్ మీడియాలో వైరల్ గా మారడంతో వెంకీ అభిమానులు డైరెక్టర్ తీవ్ర స్థాయిలో మండిపడుతున్నారు. ఎలాంటి వివాదాలకు పోకుండా, ఇండస్ట్రీలో ఏ విధమైనటువంటి మచ్చ మరక లేకుండా హీరోగా కొనసాగిన వెంకటేష్ గురించి ఇలాంటి వ్యాఖ్యలు చేయడం సబబు కాదు అంటూ మండిపడుతున్నారు. ఏది ఏమైనా వెంకీ గురించి గీతాకృష్ణ చేసిన ఈ కామెంట్స్ ప్రస్తుతం వైరల్ అవుతున్నాయి.