Vignesh Shivan: సౌత్ ఇండస్ట్రీలో లేడీ సూపర్ స్టార్ గా గుర్తింపు పొందిన నయనతార వివాహం తర్వాత కూడా వరుస సినిమాలలో నటిస్తూ బిజీగా ఉంది. నయనతార లవ్ ఎఫైర్స్ గురించి అనేక వార్తలు వినిపించాయి. కొంతకాలం హీరో శింబుతో ప్రేమాయణం నడిపిన నయనతార ఆ తర్వాత అతనికి బ్రేకప్ చెప్పి ప్రభుదేవని ప్రేమించి పెళ్లి పీటల వరకు వెళ్ళింది. అయితే కొన్ని కారణాలవల్ల ప్రభుదేవాతో పెళ్లి రద్దు చేసుకొని చాలాకాలం ఒంటరిగా మిగిలిపోయింది.
కొంతకాలానికి డైరెక్టర్ విగ్నేష్ శివన్ తో ప్రేమలో పడింది. దాదాపు ఆరు సంవత్సరాలుగా ప్రేమించుకున్న వీరిద్దరూ గతేడాది మూడుముళ్ల బంధంతో ఒకటయ్యారు. ఇక ఇటీవల సరోగసి పద్ధతి ద్వారా కవల పిల్లలకు జన్మనిచ్చి తల్లిదండ్రులుగా మారారు. ఇదిలా ఉండగా తాజాగా విగ్నేష్ శివన్ నయనతార తో తన ప్రేమ మొదలైన క్షణాల గురించి వివరించాడు. ఇటీవల ఒక ఇంటర్వ్యూలో పాల్గొన్న విఘ్నేష్ శివన్ మాట్లాడుతూ.. “డైరక్టర్ గా నా మొదటి సినిమా పోడా పోడి.
మొదటి సినిమాతోనే పరాజయం ఎదురయింది. ఆ తర్వాత జీవితంలో ఎన్నో ఇబ్బందులు ఎదురయ్యాయి. ఆ సమయంలో “నేనూ రౌడీనే” సినిమా కథ రాశాను. ధనుష్ కి కథ నచ్చటంతో ఆయనే నిర్మాతగా మారాడు అంటూ విగ్నేష్ వెల్లడించాడు. ఆ తర్వాత నయనతార ని కలిసి కథ చెప్పమని ధనుష్ పంపించాడు. అయితే నయనతార అంగీకరించదేమో అని నజ్రియాని హీరోయిన్గా తీసుకుందామని భావించాను.
Vignesh Shivan: కెరవాన్ దగ్గరకు కూడా వెళ్లలేదు…
ధనుష్ చెప్పాడని నయన్ దగ్గరికి వెళితే ఆమె నన్ను ఎంతో గౌరవించింది. ఆ క్షణమే నేను నయన్ తో ప్రేమలో పడిపోయా అంటూ విగ్నేష్ చెప్పుకొచ్చాడు. ఆ తర్వాత సినిమా షూటింగ్ ప్రారంభమైన సెకండ్ షెడ్యూల్ నుంచే మేము డేటింగ్ లో ఉన్నాం. కానీ మా ప్రేమ గురించి ఎవరికీ తెలియకుండా చాలా జాగ్రత్త పడ్డాను. మేము డేటింగ్ లో ఉన్న తర్వాత కూడా నయన్ ని మేడం అనే పిలిచేవాడిని. అంతేకాకుండా ఆమె కెరవాన్ దగ్గరికి కూడా ఎప్పుడు వెళ్లలేదు. ఇలా చాలా కాలం మా ప్రేమని రహస్యంగా ఉంచాము అంటూ విఘ్నేష్ వెల్లడించాడు.