Vijay Varma: దక్షిణాది సినీ ఇండస్ట్రీలో అగ్రతారగా ఎంతో పేరు ప్రఖ్యాతలు సంపాదించుకున్న మిల్క్ బ్యూటీ తమన్నా బాలీవుడ్ నటుడు విజయ్ వర్మతో ప్రేమలో ఉన్నారనే వార్తలు గత కొంతకాలంగా సోషల్ మీడియాలో వైరల్ అవుతున్నాయి.నూతన సంవత్సర వేడుకల్లో భాగంగా గోవాలో పబ్లిక్ గా వీరిద్దరూ రొమాన్స్ చేయడమే కాకుండా లిప్ లాక్ చేయడంతో వీరిద్దరి మధ్య రిలేషన్ కొనసాగుతుందని త్వరలోనే అధికారికంగా ప్రకటిస్తారని భావించారు.

ఇలా న్యూ ఇయర్ వేడుకల అనంతరం వీరిద్దరూ కలిసి అవార్డు వేడుకలలో కూడా కలిసి కనిపించడంతో వీరిద్దరూ డేటింగ్ లో ఉన్నారనే వార్తలు వచ్చాయి. అలాగే వీరు బాలీవుడ్ ఇండస్ట్రీలో ఒక సినిమాలో నటిస్తున్నారని ఈ సినిమా ప్రమోషన్లలో భాగంగానే ఇలా ఇద్దరు కలిసి మీడియా కంట పడుతున్నారనే వార్త కూడా వినిపిస్తోంది.

ఇక తాజాగా విజయ్ వర్మ తమన్నాతో కలిసి లంచ్ డేట్ కి వెళ్లారు.దీంతో వీరిద్దరూ డేటింగ్ లో ఉన్నారని వార్తలకు మరింత బలం చేకూరింది. అయితే ఈ వార్తలపై నటుడు విజయ్ వర్మ స్పందించారు. ఈ సందర్భంగా ఈ విషయం గురించి ఆయన మాట్లాడుతూ తమన్నాతో తాను డేటింగ్ లో లేనని క్లారిటీ ఇచ్చేశారు.

Vijay Varma:తమన్నాతో ఎలాంటి రిలేషన్ లో లేను…

తన అప్ కమింగ్ ప్రాజెక్టు ‘ది డివోషన్ ఆఫ్ సస్పెక్ట్ ఎక్స్’ డైరెక్టర్ సుజోయ్ ఘోష్తో ఉన్న ఫోటోని షేర్ చేసి.. ఇదేనా అసలు లంచ్ డేట్ అంటూ కామెంట్ చేయడంతో వీరిద్దరి మధ్య ఎలాంటి రిలేషన్ లేదని కేవలం సినిమా ప్రమోషన్ కోసమే ఇలా వ్యవహరించారు అంటూ అందరికీ క్లారిటీ వచ్చింది. దీంతో తమన్నా విజయ్ వర్మ గురించే వచ్చే వార్తలకు పులి స్టాప్ పడినట్టు అయింది.