Vijaya Shanti: తెలుగు సినిమా ఇండస్ట్రీలో ఫ్యామిలీ హీరోగా ఎంతో మంది ఫ్యామిలీ ఆడియన్స్ ను సంపాదించుకున్నటువంటి వారిలో సీనియర్ నటుడు వెంకటేష్ ఒకరు. వెంకటేష్ హీరోగా నటించిన సినిమాలన్నీ కూడా కుటుంబ సమేతంగా కలిసి కూర్చుని చూసే విధంగా ఆయన సినిమాలు ఉంటాయి. ఈ క్రమంలోనే ఈయనకు ఫ్యామిలీ ఆడియన్స్ విపరీతంగా పెరిగిపోయారు.

ఇలా గత మూడు దశబ్దాలుగా ఇండస్ట్రీలో ఎంతో పేరు ప్రఖ్యాతలు సంపాదించుకున్నటువంటి వెంకటేష్ తాజాగా డిజిటల్ మీడియాలోకి కూడా అడుగుపెట్టారు. ఈ క్రమంలోనే ఈయన నటుడు రానాతో కలిసి రానా నాయుడు అనే వెబ్ సిరీస్ లో నటించిన విషయం మనకు తెలిసిందే. ప్రస్తుతం ఈ వెబ్ సిరీస్ నెట్ఫ్లిక్స్ లో ప్రసారమవుతుంది. అయితే ఈ వెబ్ సిరీస్ లో ఎక్కువగా బోల్డ్ కంటెంట్ ఉండడం చేత ఎంతో మంది ఈ వెబ్ సిరీస్ పై తీవ్ర స్థాయిలో మండి పడుతున్నారు.

ఇకపోతే ఈ వెబ్ సిరీస్ పై తాజాగా వెండితెర నటి విజయశాంతి స్పందిస్తూ తీవ్రస్థాయిలో మండిపడ్డారు.ఈ సందర్భంగా ఈమె ఈ వెబ్ సిరీస్ పేరు ప్రస్తావించకుండా సోషల్ మీడియా వేదికగా ఈ వెబ్ సిరీస్ గురించి మాట్లాడుతూ… మధ్యనే విడుదలైన ఒక తెలుగు (బహుబాషా) ott సిరీస్ పై……”It needs Strict Censoring for ott platform”…అనే విషయమై అనేకమంది ప్రజలు, ప్రత్యేకించి మహిళలు ఈ సమస్య ముందుకు ఇప్పటికే తెస్తున్నారు.

Vijaya Shanti: వ్యతిరేకతకు గురికావద్దు…

ప్రజల మనోభావాలను దృష్టిలో పెట్టుకుని నేను చెబుతున్న అంశాన్ని గమనించి వెంటనే Ott నుండి నిరసించబడుతున్న పై ప్రసారాలని తొలగించి భవిష్యత్‌లో దేశవ్యాప్త ott ప్రసారాలలో ఎక్కడైనా ప్రజా ప్రత్యేకించి మహిళా వ్యతిరేకతకు గురి అయ్యే విధానాలు లేని పద్ధతులు పాటించాలని భావిస్తూ..ప్రజల తనకిచ్చిన అభిమానాన్ని గౌరవాన్ని నిలబెట్టుకుంటా అంటూ రాసుకు వచ్చారు. ప్రస్తుతం ఈ వెబ్ సిరీస్ గురించి ఈమె చేసినటువంటి ఈ కామెంట్స్ వైరల్ అవుతున్నాయి.