Bangarraju: నాగార్జున బంగార్రాజు చిత్రం జనవరి 14న ప్రేక్షకుల ముందుకు రానుంది. ఈ అక్కినేని మల్టీస్టారర్ సంక్రాంతి హిట్‌ని సాధించడానికి గ్రౌండ్ రిలీజ్ కాబోతోంది. పండుగకు పెద్దగా విడుదలయ్యే ఇతర చిత్రాలేవీ లేవు. దీంతో దీనిపై విజయావకాశాలు ఎక్కువగా ఉండే అవకాశం ఉంది.
ఆర్ఆర్ఆర్, భీమ్లానాయక్, రాధేశ్యామ్ లాంటి భారీ బడ్జెట్ సినిమాలు ఈ సంక్రాంతికి విడుదల లేకపోవడంతో బంగార్రాజుకు కలిసి వచ్చిందనే చెప్పాలి. ఇదిలా ఉండగా.. రెండు రోజుల క్రితం.. ఆంధ్రప్రదేశ్ ప్రభుత్వం రాత్రిపూట కర్ఫ్యూ , ఆక్యుపెన్సీ ఆంక్షలను అమలు చేస్తున్నట్లు ప్రకటించింది.
ఈ విషయంపై మంత్రి పేర్ని నాని కూడా సంక్రాంతి సినిమాలను విడుదల తేదీలను వాయిదా వేయమని కోరినట్లు తెలిసింది. అయితే దీనిపై ఒక్కసారిగా సీన్ అంతా మారిపోయింది. సినిమాలను వాయిదా వేయమని సూచించిన ప్రభుత్వం ఇప్పుడు రాత్రి కర్ఫ్యూ , ఆక్యుపెన్సీ పరిమితుల ప్రణాళికలను కూడా వాయిదా వేసింది. జనవరి 18 నుంచి కర్ఫ్యూ అంటూ పేర్కొంది ప్రభుత్వం.
ఇప్పుడు అది అతనికి ఈ మార్గంలో..
దీనిని బట్టి చూస్తే.. ఏపీ ప్రభుత్వం నాగార్జునకు ఫేవర్ గా ఉంటుందనే అనుమానాలు రేకెత్తిస్తున్నాయి.
సినీ పరిశ్రమను కలవరపెడుతున్న ఏపీ టిక్కెట్ల సమస్యపై నాగార్జున సినీ పరిశ్రమ వైపు నిలవకుండా.. ఏపీ ప్రభుత్వం వైపు మాట్లాడారు. అంతే కాదు.. టికెట్స్ ను తగ్గించడం కరెక్ట్ అని.. తన సినిమాకు ఏ మాత్రం ప్రాబ్లం లేదు అంటూ.. ఏపీ ప్రభుత్వానికి మద్ధతుగా మాట్లాడారు. అందుకే అతనికి ఈ సహాయాలు లభించాయని సన్నిహిత వర్గాలు పేర్కొన్నాయి. నాగార్జున ఏపీ ప్రభుత్వంతో చాలా మంచి సంబంధాలను కొనసాగిస్తున్నారు. ఇప్పుడు అది అతనికి ఈ మార్గంలో సహాయపడింది. ఇక అంతకముందు మోస్ట్ ఎలిజిబుల్ బ్యాచ్ లర్ సినిమా సందర్భంలో కూడా.. 100శాతం ఆక్యుపెన్సీతో థియేటర్లు నడుపుకోవచ్చు అని ఏపి ప్రభుత్వం అనుమతులు ఇచ్చింది. ఇక ఇవన్నీ చూస్తుంటే.. నాగార్జునకు ఏపీ ప్రభుత్వం ఫేవర్ చేస్తుందంటూ.. సినీ వర్గాల్లో టాక్ వినిపిస్తోంది.