Mouli: 90s వెబ్ సిరీస్ ద్వారా పెద్ద ఎత్తున వార్తలలో నిలిచారు నటుడు మౌళి. ఈ సిరీస్ ద్వారా ఈయన ఎంతో పేరు ప్రఖ్యాతలను సంపాదించుకోవడంతో తెలుగు సినిమా ఇండస్ట్రీలో కూడా అవకాశాలు వస్తున్నాయి. అయితే ఇదిలా ఉండగా ఇటీవల ఈయన చేసినటువంటి వ్యాఖ్యలు పెద్ద ఎత్తున సోషల్ మీడియాలో వివాదానికి కారణమయ్యాయి.

ఇటీవల ఒక వేదికపై మ్యాజిక్ చేస్తానని చెబుతూ తన చేతిని తెరిచి ఇందులో నుంచి ఒకటి వెళ్ళిపోయింది అది ఎక్కడ వెతికిన దొరకదు అంటూ కామెంట్ చేశారు. ఇక తన చేతి నుంచి మాయమైనది ఏపీ క్యాపిటల్ అంటూ ఈయన చేసిన వ్యాఖ్యలు సంచలనంగా మారాయి.

ఇక ఈ వ్యాఖ్యలపై ఎంతోమంది వైసీపీ శ్రేణులు టిడిపి శ్రేణులు ఈయనపై విమర్శలు కురిపించడమే కాకుండా టిడిపి వాళ్ళు జగన్ ప్రభుత్వం చివరికి ఇలా మన రాష్ట్రంపై కామెడీలు చేసే స్థితికి తీసుకు వచ్చిందని తెలిపారు. ఇక వైసీపీ శ్రేణులు ఈయన వ్యాఖ్యలపై సోషల్ మీడియాలో భారీగా ట్రోల్ చేయడంతో మౌళి ఎట్టకేలకు క్షమాపణలు చెప్పారు.

కించపరిచాలనే ఉద్దేశం లేదు..

నేను ఎవరిని కించపరచాలని ఎలాంటి వ్యాఖ్యలు చేయలేదని రాజకీయ ఉద్దేశం అసలు లేదని తెలిపారు. నా మాటల వల్ల ఎవరి మనోభావాలు అయినా దెబ్బతిని ఉంటే నన్ను క్షమించండి అంతేకాకుండా ఈ వివాదంలోకి నా తల్లిదండ్రులను ఏమాత్రం లాగకండి అంటూ క్షమాపణలు చెప్పారు.