Actor Kamal : ఆర్జీవి క్షణక్షణం సినిమాతో పరిచయమైన నటుడు కమల్ ఆపైన సీతారామయ్య గారి మనవరాలు సినిమాలో మీనా కి జోడిగా నటించారు. ఆ సినిమాలో పూసింది పూసింది పున్నాగా పాట అందరికీ గుర్తుంటుంది. క్షణ క్షణం సినిమాలో వెంకటేష్ కి ఫ్రెండ్ క్యారెక్టర్ లో అలరించిన ఆయన కూలి నెంబర్ వన్ అంటూ వరుసగా సినిమాల్లో క్యారెక్టర్ ఆర్టిస్టుగా చేస్తూ మంచి పేరు తెచ్చుకున్నారు. సినిమాల్లో ప్రయత్నిస్తున్న సమయంలో ఆర్జీవి నే మొదట నన్ను నమ్మాడు అంటూ చెప్పారు. పవన్ కళ్యాణ్ కొమరం పులి, జల్సా, వంటి సినిమాల్లో నటించిన ఆయన తాజాగా పవన్ నెక్స్ట్ సినిమా ‘ఒరిజినల్ గ్యాంగ్స్టర్’ లో నటించనున్నారు. ఆ సినిమా విశేషాలతో పాటు ఆయన భవిష్యత్ లక్ష్యాలను తాజాగా ఒక ఇంటర్వ్యూలో వివరించారు.

పవన్ ఎలా ఉంటారంటే… హర్షసాయి తో సినిమా…

కమల్ తాజాగా తన ఫిట్ నెస్ మీద దృష్టి పెట్టి హీరోగా సినిమాలను చేయాలని అనుకుంటున్నట్లు చెప్పారు. వెంకటేష్ గారి లాగా ఫ్యామిలీ సబ్జెక్టు చేయాలని అనుకుంటున్నట్లు తెలిపారు. ఇక సాహో డైరెక్టర్ సుజిత్ డైరెక్షన్ లో పవన్ కళ్యాణ్ హీరోగా వస్తున్న సినిమా ‘ఓజి’ లో కూడా నటిస్తున్నట్లు తెలిపారు. సినిమా చరిత్ర సృష్టించబోతోందని తెలిపారు. ఒరిజినల్ గ్యాంగ్ స్టర్ సినిమాలో పవన్ లుక్, సినిమా డైరెక్షన్ తో సినిమా ప్రపంచవ్యాప్తంగా క్రేజ్ తెచ్చుకుంటుంది అంటూ చెప్పారు.

పవన్ చాలా సింపుల్ గా ఉంటారు అందరితో మాట్లాడుతూ అన్నీ గమనిస్తుంటారు. కొమరం పులి ఇద్దరం కలిసి చేసాం మళ్ళీ జల్సా సినిమా సమయంలో మాట్లాడుతూ హెయిర్ కట్ గురించి మాట్లాడారు. అలా ప్రతి చిన్న విషయం ఎదుటివారిలో ఆయన గమనిస్తారు అంటూ చెప్పారు. ఇక తాజాగా యూట్యూబ్ లో బాగా ఫేమస్ అయిన హర్ష సాయి డైరెక్షన్ లో ఒక సినిమాలో నటిస్తున్నట్లు తెలిపారు. ఆ సినిమా కేజిఎఫ్ రేంజ్ లో ఉండబోతోంది. మిత్రా శర్మ అనే అమ్మాయి నిర్మాత గా హర్ష సాయి డైరెక్షన్ లో వస్తుంది అంటూ చెప్పారు.