Actor Ravi Krishna : మొగలి రేకులు సీరియల్ లో దుర్గా ప్రసాద్ గా తన నటన ప్రయాణం మొదలు పెట్టిన విజయవాడ కుర్రాడు రవికృష్ణ తాజాగా తాను నటించిన విరూపాక్ష సినిమాలో కుమార్ గా తన నటనతో అందరినీ ఆకట్టుకున్నాడు. ఇక ప్రస్తుతం బుల్లితెర కు గుడ్ బై చెప్పి వెండి తెర మీద వరుస అవకాశాలతో దూసుకు పోతున్న రవికృష్ణ తన కెరీర్ వ్యక్తిగత జీవితం గురించి తాజాగా ఒక ఇంటర్వ్యూలో పంచుకున్నాడు.

నవ్యస్వామి తో రిలేషన్…

సీరియల్స్ తో మొదలు పెట్టిన రవి కృష్ణ మొదట మొగలిరేకులు సీరియల్ తో మంచి గుర్తింపు అందుకున్నాడు. ఆ తరువాత జీ తెలుగు లో వచ్చిన వరూదిని పరిణయం సీరియల్ తో మంచి క్రేజ్ తెచ్చుకున్నాడు. ఇక లాస్ట్ సీరియల్ ఆమె కథ కూడా రవికృష్ణ కి మంచి పేరు తెచ్చిపెట్టింది. అయితే బిగ్ బోస్ లో కూడా పాల్గొని ఈ అబ్బాయి మంచోడు అనిపించుకున్న రవి ఆన్ స్క్రీన్ నవ్యస్వామి తో సీరియల్ జోడిగా మంచి పేరు తెచ్చుకోవడం వల్ల తనతో కలిసి డాన్స్ షోలో హోస్ట్ గా ఉండటంతో తనతో రిలేషన్ లో ఉన్నాడంటూ బాగా వినిపించింది.

తాజాగా ఇంటర్వ్యూలో ఈ విషయం గురించి మాట్లాడుతూ అలాంటిదేమి లేదని తాను మంచి స్నేహితురాలు అంటూ తెలిపారు. ఇక పెళ్లి గురించి ఇపుడే ఆలోచన లేదని సినిమాల్లో బాగా స్టాండ్ అయ్యాక పెళ్లి గురించి ఆలోచిస్తానంటూ చెప్పాడు రవి. సీరియల్స్ లో హైయెస్ట్ రెమ్యూనరేషన్ తీసుకున్న రవి వాటిని వదులుకుని సినిమాల వైపు రావడానికి రిస్క్ తీసుకున్నానని కానీ తప్పదని చెప్తూనే రెమ్యూనరేషన్ మాత్రం చెప్పలేదు. దాదాపు 45వేల నుండి యాభై వేల వరకు రోజు ఒక ఎపిసోడ్ కి వస్తుందని హింట్ ఇచ్చాడు.