Actor Sandesh : ఆర్ నారాయణ మూర్తి గారి సినిమా ‘ఊరు మనదిరా’ సినిమాతో గుర్తింపు తెచ్చికున్న నటుడు సందేశ్. సందేశ్ బూరి గారి తొలిచిత్రం ఎల్లమ్మ, షేక్స్ పియర్ నవల ఆధారంగా తెలంగాణ నేటివిటీకి తగ్గట్టు తీసిన సినిమాలో సందేశ్ గారు మొదట నటించారు. మొదటి సినిమాలోనే నాజర్, రేవతి సోనాలి కులకర్ణి వంటి మంచి నటులతో నటించే అవకాశాన్ని అందుకున్నారు. సందేశ్ గారు పలు సీరియల్స్ లో కూడా నటించారు. అయితే ఆయనకు ఊరు మనదిరా సినిమాతో పాటు నాతిచరామి, ప్రభంజనం, మిస్టర్ గిరీషం సినిమాలు మంచి పేరును తెచ్చాయి. ఇక ఇటీవల ఇంటర్వ్యూలో తన స్నేహితుడు మ్యూజిక్ డైరెక్టర్ ఆర్పీ పట్నాయక్ గురించి మాట్లాడారు.
ఆర్పీ పట్నాయక్ సంగీతం నేర్చుకోలేదు…
ఆర్పీ పట్నాయక్ సంగీతం గురించి తెలుగు ప్రేక్షకులకు చెప్పాల్సిన పనిలేదు. ఎన్నో మ్యూజికల్ హిట్స్ ఆయన అందించారు. ప్రస్తుతం ఆయన సినిమాలను చేయడం లేదు కానీ ఒకానొక సమయంలో టాప్ మ్యూజిక్ డైరెక్టర్స్ లో ఒకరిగా ఆర్పీ ఉండేవారు. ఆయన చేసిన అన్ని సినిమాలు మ్యూజికల్ హిట్స్ గా నిలిచాయి.
ఆలాంటి ఆర్పీ గారు అసలు సంగీతం నేర్చుకోలేదు అంటే నమ్మబుద్ధి కాదు. కానీ నిజానికి ఆర్పీ గారు ఎటువంటి సంగీత శిక్షణ తీసుకోకుండానే పట్టు సాధించారట. ఈ మాటే ఆయన స్నేహితుడు సందేశ్ చెబుతారు. ఆర్పీ అసలు సంగీతం నేర్చుకోలేదు. తనకు పుట్టుకతోనే దేవుడు వరంగా ఆ నేర్పు ఇచ్చాడు అంటూ చెప్పారు. చాలా మంచి వ్యక్తి, స్నేహం కోసం తాను చేయగలిగినంత సాయం చేస్తాడు అంటూ చెప్పారు.