Actor Sathya Prakash : ఎన్నో సినిమాల్లో విలన్ గా నటించి గుర్తింపు తెచ్చుకున్న నటుడు సత్యప్రకాష్ గారు. ఒడిశా లో పుట్టి పెరిగిన సత్య ప్రకాష్ గారు వెంకటేష్ హీరోగా వచ్చిన పెళ్లి చేసుకుందాం సినిమాలో విలన్ గా నటించారు. ఆ సినిమా ద్వారా విలన్ గా బాగా గుర్తింపు తెచ్చుకున్న ఆయన ఆ తరువాత చాలా సినిమాల్లో నటించారు. కన్నడ, తెలుగు, తమిళం అంటూ అన్ని భాషల్లోను విలన్ గా నటించిన ఆయన తన జర్నీ గురించి ఇటీవల ఇంటర్వ్యూలో పంచుకున్నారు. ఇక తన సినిమాల్లో రేప్ సీన్స్ ఎక్కువగా ఉండేవంటూ అసలు నచ్చేది కాదంటూ చెప్పారు.

ఆర్జివి తో సినిమా చేయను…

చాలా సినిమాల్లో చాలా మంది హీరోయిన్స్ ను రేప్ చేసే విలన్ గా నటించాను. నాకు ఆ రేప్ సీన్ అంటే నచ్చేది కాదు. కాకపోతే అప్పుడు నాకు ఇష్టం లేదు చేయను అనేంత స్టేటస్ నాకు లేదు. చాలా మంది ఆ సినిమాల్లో నన్ను చూసి సైకో సత్య ప్రకాష్ అనేవారు. కొంతమంది ఆడవాళ్లు నేను చూసి బయపడేవారు అంటూ తాజాగా ఒక ఇంటర్వ్యూలో సత్యప్రకాష్ చెప్పారు.

ఇక తాను ఆర్జివి సినిమాలో ఆఫర్ వచ్చినా చేయకపోడానికి కారణం ఆయన ట్రీట్మెంట్ నచ్చేలేదని చెప్పారు. ఆయన నాకిచ్చిన పాత్ర నచ్చలేదు అందుకే చేయలేదు. మరోసారి ఆఫర్ ఇచ్చినా క్యారెక్టర్ నచ్చక చేయలేదు. ఆర్జివి ఇపుడు పిలిచి హీరోగా పెట్టి చేస్తాంటే సినిమా చేస్తాను అంటూ చెప్పారు. నాకు సినిమా తప్ప బయట వేరే ఏ పని రాదు అంటూ చెప్పారు.