Actress Hema: టాలీవుడ్ ఇండస్ట్రీలో క్యారెక్టర్ ఆర్టిస్ట్ గా ఎన్నో సినిమాలలో నటించి ఎంతో మంచి గుర్తింపు సంపాదించుకున్న నటి హేమ గురించి ప్రత్యేకంగా చెప్పాల్సిన పనిలేదు. ఇలా ఎన్నో సినిమాలలో పిన్ని, వదిన, అక్క పాత్రలో నటించి మంచి గుర్తింపు పొందిన ఈమె తాజాగా ఒక ఇంటర్వ్యూలో పాల్గొని ఎన్నో ఆసక్తికరమైన విషయాలను వెల్లడించారు.

ఈ సందర్భంగా నటి హేమ మాట్లాడుతూ తన ఇండస్ట్రీలోకి ఎలా వచ్చారు. ఇండస్ట్రీలో తాను ఎలాంటి అనుభవాలను ఎదుర్కొన్నారు అనే విషయాల గురించి తెలిపారు. ఇక ఇండస్ట్రీలో తెలుగు డైరెక్టర్ పూరి జగన్నాథ్ అన్నయ్య లాంటి వాడని హేమ పూరి జగన్నాథ్ గురించి ఆసక్తికరమైన విషయాలను ఈ ఇంటర్వ్యూ ద్వారా వెల్లడించారు.

ఇండస్ట్రీలో తాను కెమెరా మెన్ జాన్ అనే వ్యక్తిని ప్రేమించి పెళ్లి చేసుకున్నానని,పెళ్లి తర్వాత మేము ఒక చిన్న ఇంటిని కొనుక్కొని అక్కడ నివసిస్తున్నప్పుడు పూరి జగన్నాథ్ కూడా మా ఇంటి కింద అద్దెకు ఉండే వారని తెలిపారు. ఈ సమయంలోనే పూరి జగన్నాథ్ దగ్గరికి తేజ, కృష్ణవంశీ, ఎంతో మంది డైరెక్టర్లు రావడంతో అందరితో మంచి పరిచయం ఉందని తెలిపారు.

కాళ్లు కడిగి కన్యాదానం చేశారు…

ఇక పూరి జగన్నాథ్ లావణ్య అనే అమ్మాయిని ప్రేమించారని వీరి పెళ్లికి ఇంట్లో అభ్యంతరం చెప్పడంతో ఏకంగా పూరి జగన్నాథ్ లావణ్యని లేపుకొచ్చినట్లు నటి హేమ తెలిపారు. ఇలా లావణ్యను తీసుకు వచ్చిన తర్వాత దగ్గరుండి మేమే తనకు పెళ్లి చేశామని, నేను మా ఆయన పూరి జగన్నాథ్ అన్నయ్య పెళ్లికి పెళ్లి పెద్దలమని తెలిపారు. ఇక జాన్ తనకు తండ్రి స్థానంలో ఉండి కాళ్లు కడిగి కన్యాదానం చేశారని హేమ తెలిపారు. అందుకే ఇప్పటికీ లావణ్య తన భర్తను డాడీ అంటూ పిలుస్తుందని పూరిజగన్నాథ్ భార్య గురించి ఆసక్తికరమైన విషయాలను హేమ ఈ ఇంటర్వ్యూ ద్వారా వెల్లడించారు.