Actress Prema: తెలుగు సినిమా ఇండస్ట్రీలో పలు సినిమాలలో నటించిన ఎంతో మంచి గుర్తింపు సంపాదించుకున్న ప్రేమ గురించి ప్రత్యేకంగా దేవి సినిమా ద్వారా తన అద్భుతమైన నటనతో ఎంతో మంది తెలుగు అభిమానులను సొంతం చేసుకున్న ఈ కన్నడ నటి పలు సినిమాలలో నటించి హీరోయిన్ గా సందడి చేశారు. అయితే ఈమెకు సినిమా అవకాశాలు తగ్గిపోవడంతో ఇండస్ట్రీకి దూరమయ్యారు.
ఇలా ఇండస్ట్రీకి దూరంగా ఉన్నటువంటి నటి ప్రేమ తాజగా బెంగళూరులో ఒక యూట్యూబ్ ఛానల్ ఇంటర్వ్యూలో పాల్గొన్నారు అయితే ఈ ఇంటర్వ్యూ భాగంగా ఈమె తన హోమ్ టూర్ వీడియోని చేశారు. ఇలా ఇంటి ముందు మొక్కలను చూపించడమే కాకుండా ఇంటిని మొత్తాన్ని చూపించారు. ఇక ఈ వీడియోలో భాగంగా ప్రేమ తన తల్లిని కూడా పరిచయం చేశారు. తనకు ఒక సోదరి ఒక సోదరుడు అనే విషయాన్ని కూడా ఈమె తెలిపారు.
ఇక ఈ హోమ్ టూర్ వీడియోలో సినిమా ఇండస్ట్రీలో కొనసాగుతున్న సమయంలో తనకు వచ్చిన అవార్డ్స్ గురించి తన ఫ్యామిలీ ఫోటోలను కూడా చూపించారు. ప్రస్తుతం ప్రేమ హోం టూర్ వీడియో సోషల్ మీడియాలో వైరల్ గా మారింది. ఇక ఇంటర్వ్యూలో కూడా ఈమె మాట్లాడుతూ సినిమాలలో రీఎంట్రీ గురించి పలు విషయాలను తెలియచేశారు.
Actress Prema:అవకాశం వస్తే నటిస్తా…
ప్రస్తుతం తనకు సినిమా అవకాశాలు వస్తున్నాయని అయితే ఒకటి రెండు రోజుల కాల్ షీట్స్ కోసమే తనని సంప్రదిస్తున్నారని తెలిపారు.ఇలా తక్కువ ప్రాధాన్యత ఉన్న పాత్రలలో నటించడానికి ఇష్టం లేకే తాను దూరంగా ఉన్నానని మంచి ప్రాధాన్యత ఉన్న పాత్రలు వస్తే తప్పకుండా నటిస్తాను అంటూ ఈ సందర్భంగా ప్రేమ చెప్పినటువంటి ఈ కామెంట్స్ వైరల్ అవుతున్నాయి.
