Allu Arjun: నిజంగా లక్ అంటే.. అల్లు అర్జున్ దే అని చెప్పాలి. ఎందుకంటే.. 2021 సంవత్సరంలో అల వైకుంఠపురం సినిమాతో మంచి విజయం సాధించాడు. అయితే ఆ సంవత్సరంలో చాలా సినిమాలు కరోనా కారణంగా వాయిదా పడ్డాయి.
మరి కొన్ని సినిమాలు ఓటీటీలో రిలీజ్ అయ్యాయి. ఇలా 2021లో కలెక్షన్స్ ఎక్కువగా వసూలు చేసిన సినిమాగా అల వైకుంఠపురం నిలిచింది. తర్వాత.. భారీ అంచనాల మధ్య డిసెంబర్ 17న విడుదల అయిన పుష్ప సినిమా కూడా 2022లో ఎక్కువగా కలెక్షన్స్ పొందిన సినిమాగా గుర్తింపు పొందింది.
ఇప్పటికే దీనికి ప్రపంచవ్యాప్తంగా రూ.300 కోట్లకు పైగా వసూలు చేసింది. విడుదల అయిన రెండు వారాల తర్వాత కూడా పుష్ప సినిమాకు కలెక్షన్స్ వస్తూనే ఉన్నాయి. దీంతో అతడి రికార్డును అతడే చెరిపేశాడు. అల వైకుంఠపురం రికార్డును బ్రేక్ చేసింది ఈ పుష్ప సినిమా.
బన్నీ ఉంటే కరోనా ఉండదు.. కరోనా ఉంటే బన్నీ ఉండడు..
కరోనా మహమ్మారి పుష్ప సినిమా విడుదలకు ఏ మాత్రం అడ్డు రాలేదు. అప్పడప్పుడే కేసులు నమోదవుతున్నా.. అంతగా ఎఫెక్ట్ చూపలేదు. దీంతో పుష్ప సినిమా విజయవంతంగా ప్రదర్శించబడుతోంది. భారీ బడ్జెట్ సినిమాగా తెరెకిక్కిన ఆర్ఆర్ఆర్ సినిమా కరోనా కారణంగా వాయిదా పడిన విషయం తెలిసిందే. ఇక తాజాగా.. సమ్మర్ లో విడుదల కావాల్సిన రాధే శ్యామ్ చిత్రానికి కరోనా థర్డ్ వేవ్ తప్పేలా లేదు. ఇక ఇవన్నీ ఆలోచిస్తే.. బన్నీకి బాగానే కలిసి వచ్చిందనే చెప్పాలి. ఇదే విషయంలో బన్నీ ఫ్యాన్స్ కూడా ఫుల్ ఖుషీగా ఉన్నారు. బన్నీ ఉంటే కరోనా ఉండదు.. కరోనా ఉంటే బన్నీ ఉండడు అంటూ కామెంట్లు చేస్తున్నారు.