Amardeep Chowdary : బుల్లితెర మీద ఒక్కోమెట్టు ఎక్కుతూ నేడు పాపులర్ ఆర్టిస్ట్ అయిన అమర్ దీప్, ‘జానకి కలగనలేదు’ సీరియల్ ‘రామా’ అంటే బాగా తెలుస్తుంది. అంతలా సీరియల్ అభిమానులకు తన పాత్ర ద్వారా గుర్తింపు తెచ్చుకున్న అమర్ దీప్ కెరీర్ ‘సిరి సిరి మువ్వ’ సీరియల్ ద్వారా మొదట సీరియల్స్ లోకి అడుగుపెట్టాడు. మొదటి సీరియల్ తోనే మంచి గుర్తింపు తెచ్చుకున్న అమర్ దీప్ ఆ సీరియల్ కో స్టార్ మెరినా అబ్రహం గురించి పలు ఆసక్తికర విషయాలు తెలిపారు.
మెరినా చాలా కష్టపడే అమ్మాయి…
మెరినా అబ్రహం అమెరికా అమ్మాయి, సీరియల్ ద్వారా బుల్లితెరకు పరిచయమైంది. ఆ తరువాత ఉయ్యాలా జంపాల, సిరి సిరి మువ్వ వంటి సీరియల్స్ ద్వారా మంచి గుర్తింపు తెచ్చుకుంది. ప్రేమించి సీరియల్స్ లోనే నటిస్తున్న రాహుల్ ను వివాహం చేసుకున్న మెరినా ఈ మధ్య సీరియల్ లో కనిపించడం లేదు. అయితే సిరి సిరి మువ్వ సీరియల్ లో అమర్ దీప్, మెరినా కలిసి నటించారు. ఇక తన కో స్టార్ మెరినా గురించి అమర్ దీప్ చెబుతూ తాను చాలా కష్టపడే అమ్మాయి అంటూ చెప్పాడు.
తాను షూటింగ్ కి వచ్చేకంటే ముందు తన ఇంట్లో వంట, మిగిలిన పనులు తానే చేసి, మల్లీ వాళ్ళ అమ్మ వాళ్ళ ఇంటికి వెళ్లి అక్కడ వంట పనులు చేసుకుని, ఆ తరువాత షూటింగ్ బయలుదేరుతుంది. వచ్చేటపుడు కారులో మేకప్ చేసుకుంటుంది, అంతలా తాను కష్టపడుతుంది. ఇక సాయంత్రం షూటింగ్ అయిపోయి వెళ్లే ముందు కూడా ఇంటికి వెళ్ళాక ఏం వంట వండాలి అని ఆలోచిస్తుంటుంది. తాను వంట చాలా అద్భుతంగా చేస్తుంది. సెట్స్ కి తాను చేసిన వంటలు తెస్తే ఎప్పుడైనా రుచి చూసే అవకాశం మాకు వస్తుంది అని చెప్పాడు అమర్ దీప్. ఇక మెరినా కూడా అమర్ దీప్ గురించి మాట్లాడుతూ చాలా కష్ట పడుతాడని, ఏదైనా అడిగితే నో చెప్పడని కో స్టార్స్ కి అంతే గౌరవం ఇస్తాడని చెప్పింది మెరినా.