Anasuya: బుల్లి తెరపై స్టార్ యాంకర్ గా ఉంటూనే వెండితెరపై మంచి మంచి క్యారెక్టర్లు సొంత చేసుకుంటుంది అనసూయ. ఇటు అందంతో అటు అభినయంతో ఆకట్టుకుంటోంది ఈ జబర్థస్త్ భామ. మరోవైపు అవకాశం వచ్చినప్పుడు స్పెషల్ సాంగ్స్ తోనూ అదరగొడుతోంది.

ముఖ్యంగా రంగస్థలం సినిమాలో ఆమె చేసిన రంగమ్మత్త క్యారెక్టర్ ఎంతో పేరు తీసుకువచ్చింది. తాజాగా సుకుమార్ పుష్ప సినిమాలో ద్రాక్షాయణిగా నెగిటివ్ రోల్ లో కనిపించింది అనసూయ. పుష్ప 1లో ద్రాక్షాయణి క్యారెక్టర్ నిడివి తక్కువగా ఉన్నా.. పుష్ప 2లో మాత్రం ద్రాక్షాయణి క్యారెక్టర్ కీలకంగా మారుతుందని అనుకుంటున్నారు.

ఇదిలా ఉంటే సోషల్ మీడియాలో చాలా యాక్టివ్ గా ఉండే అనసూయ ఎక్కువగా ట్రోలింగ్ బారిన పడుతుంటారు. గతంలో కూడా ఇలానే నెటిజెన్లు ఆమె డ్రెస్ గురించి, బాడీ షేమింగ్ చేస్తూ ట్రోల్ చేశారు. దీంతో అనసూయ కూడా గట్టిగానే రిప్లే ఇచ్చింది. తన గురించి ఎంతలా ట్రోలింగ్ చేస్తే అంత స్ట్రాంగ్ అవుతానని ఘాటుగా సమాధానం ఇచ్చింది. 

సదరు నెటిజన్ పై అసహనం వ్యక్తం చేసిన అనసూయ..

అయితే తాజాగా సోషల్ మీడియాలో అభిమానులతో మాట్లాడుతున్న సమయంలో ఓ నెటిజెన్ అనసూయని రెచ్చగొట్టేలా కామెంట్స్ చేశాడు. మిమ్మల్ని ఆంటీ అని పిలవాలా లేక అక్క అని పిలవాలా అని అడిగాడు. అతడి ఉద్దేశం అర్థం చేసుకున్న అనసూయ ఘాటుగా బదులిచ్చింది. అసలు మీరెవరో తెలియదు.. మన మధ్య సన్నిహిత సంబంధం లేదంటూనే.. పైగా నువ్వు చెప్పింది ఏజ్ షేమింగ్ కిందికి వస్తుంది. మీ పెంపకంపైనే నాకు అనుమానంగా ఉంది అంటూ అనసూయ సదరు నెటిజన్ పై అసహనం వ్యక్తం చేసింది. అయితే కొందరు నెటిజెన్లు మాత్రం అక్క అని పిలవడం ఏజ్ షేమింగ్ కిందకు ఎందుకు వస్తుందని ఆగ్రహం వ్యక్తం చేస్తున్నారు. అలాంటప్పుడు కాంప్లిమెంట్స్ కూడా తీసుకోవద్దని ఘాటుగానే స్పందించారు. దీంతో అనసూయ కాంప్లిమెంట్స్ తీసుకోవాలా వద్దా అనేది నాకు సంబంధించిందని అంటూ ఘాటుగా రిప్లై ఇచ్చారు.