Breaking: ఏపీ మాజీ ముఖ్యమంత్రి చంద్రబాబుకు కరోనా..! తనను కలిసిన వారు కోవిడ్ పరీక్షలు చేయించుకోవాలని సూచన..!

Breaking: ప్రపంచవ్యాప్తంగా కరోనా కేసులు పెరిగిపోతున్నాయి. సామాన్యుల దగ్గర నుంచి.. సెలెబ్రిటీలు, రాజకీయ నాయకులను ఎవరినీ వదిలి పెట్టడం లేదు. రెండు డోసుల వ్యాక్సిన్ తీసుకున్న వారికి కూడా కరోనా మహమ్మారి సోకడం కాస్త కలవరపెడుతోంది.

అయితే కరోనా దాటి నుంచి తప్పించుకోవాలంటే.. మరో బూస్టర్ డోస్ వేసుకోవాలంటూ వైద్య అధికారులు పేర్కొంటున్నారు. ఇదిలా ఉండగా.. ఇటీవల రెండు తెలుగు రాష్ట్రాల్లో చాలామంది కరోనా బారిన పడుతున్నారు.

అందులో నారా చంద్రబాబు నాయుడు కుమారుడు, టీడీపీ జాతీయ ప్రధాన కార్యదర్శి నారా లోకేష్ కరోనా బారిన పడగా.. తాజాగా మాజీ ముఖ్యమంత్రి చంద్రబాబు నాయుడుకు కూడా కరోనా పాజిటివ్ గా నిర్ధారణ అయినట్లు సోషల్ మీడియా ద్వారా తెలిపారు.

పలు కార్యక్రమాల్లో పాల్గొన్న చంద్రబాబు..

తాను కోవిడ్ బారినపడినట్టు బాబు స్వయంగా తన ట్విట్టర్ ఖాతాలో వెల్లడించారు. ప్రస్తుతం హోం ఐసోలేషన్‌లో ఉన్నట్టు ప్రకటించారు. గత కొన్ని రోజుల నుంచి తనతో కలిసిన వారంతో కోవిడ్ పరీక్షలు చేయించుకోవాలని.. దాంతో పాటు తగిన జాగ్రత్తలు తీసుకోవాలని చంద్రబాబు నాయుడు కోరాడు. ఇక గత కొన్నాళ్ల నుంచి చంద్రబాబు నాయుడు ప్రజలతో మమేకమయి.. వివిధ కార్యక్రమాల్లో పాల్గొంటున్నారు. ఇటీవల అతడు కుప్పంలో పర్యటించాడు. అంతే కాదు.. ఇటీవల వైసీపీ కార్యకర్తల చేతిలో కారండచెడులో అత్యంత దారుణంగా హత్యకు గురైన టీడీపీ కార్యకర్త అంతిమ యాత్రలో కూడా పాల్గొన్నాడు. ఇలా పలు కార్యక్రమాల్లో పాల్గొనడంతో అతడికి కారోనా సోకినట్లు తెలుస్తోంది.