Anchor Anasuya : ప్రముఖ బుల్లితెర యాంకర్ అనసూయ ఇప్పుడు హాట్ టాపిక్ గా మారింది. అందరి లాగే అనసూయ కూడా జబర్దస్త్ కి దూరం కానుందని వార్తలు వినిపిస్తున్నాయి. అయితే గత 9 సంవత్సరాలుగా బుల్లితెర మీద ప్రసారం అవుతున్న జబర్దస్త్ షో ద్వారా ఎంతోమంది కమెడియన్లుగా ఇండస్ట్రీలో మంచి గుర్తింపు సంపాదించుకున్నారు. జబర్దస్త్ ద్వారా పాపులర్ అయిన వారిలో అనసూయ కూడా ఉంది.

ఈ షో ద్వారా అనసూయ యాంకర్ గా పేరు ప్రఖ్యాతలు సంపాదించుకోవడమే కాకుండా ఆర్థికంగా కూడా బాగా నిలదొక్కుకుంది. జబర్దస్త్ ద్వారా యాంకర్ గా పాపులర్ అవ్వటంతో అనసూయకు సినిమాలలో నటించే అవకాశాలు కూడా వచ్చాయి. ఇప్పటికే ఈ అమ్మడు వైవిధ్యమైన పాత్రలలో నటిస్తూ నటి గా కూడా మంచి గుర్తింపు తెచ్చుకుంది. ప్రస్తుతం అనసూయ చేతిలో అరడజనకి పైగా సినిమాలు ఉన్నాయి.

ఎప్పుడూ సోషల్ మీడియాలో తన అందాలతో రచ్చ చేసే అనసూయ ఇటీవల ఒక్ నోట్ రాసి పోస్టు చేసింది. ఆ పోస్ట్ ప్రస్తుతం వైరల్ గా మారింది. ఆ పోస్ట్ ద్వార తను జబర్దస్త్ నుండి వెళ్ళిపోతున్నట్టు అనసూయ క్లారిటీ ఇచ్చింది. ఇప్పటికే జబర్దస్త్ నుండీ జడ్జ్ లు, ఫేమస్ కమెడియన్లు వెళ్ళిపోయారు. ఇక ఇప్పుడు అనసూయ కూడా ఈ షో నుండి వెళ్ళిపోతే జబర్దస్త్ పరిస్థితి చాలా దారుణంగా తయారవుతుంది. ఇదిలా ఉండగా అనసూయ జబర్దస్త్ నుండి వెళ్ళిపోతుందని వార్తలు వినిపించడంతో ఆమె స్థానంలో జబర్దస్త్ కి వచ్చే మరో యాంకర్ గురించి చర్చ మొదలయింది.

అనసూయ స్థానంలో యాంకర్ మంజూష…

ఈ క్రమంలో అనసూయ స్థానంలో జబర్దస్త్ కి కొత్త యాంకర్ గా ప్రముఖ యాంకర్ మంజూష రాంపల్లిని తీసుకువస్తున్నట్టు సమాచారం. ఎన్నో ఏళ్లుగా యాంకర్ గా మంచి అనుభవమున్న మంజూష ఈ మధ్యకాలంలో గ్లామర్ తో కూడా ప్రేక్షకులను బాగా ఆకట్టుకుంటుంది. అంతేకాకుండా సోషల్ మీడియాలో కూడా మంజుషకి మంచి ఫాలోయింగ్ ఉంది. అందువల్ల జబర్దస్త్ లో అనసూయ స్థానంలో మంజూష కి స్థానం కల్పిస్తున్నట్లు తెలుస్తోంది.