Supritha: మాకు బట్టలు మీరు కొనివ్వలేదుగా… మరెందుకో అంత ఆసక్తి.. నెటిజన్స్ పై సుప్రీత ఫైర్!

Supritha: ప్రముఖ క్యారెక్టర్ ఆర్టిస్ట్ సురేఖ వాణి గురించి ప్రత్యేకంగా పరిచయం చేయాల్సిన అవసరం లేదు. ఒకప్పుడు సినిమాలలో నటిస్తూ తల్లి, అక్క, వదిన పాత్రల ద్వారా మనందరికీ సుపరిచితమైన సురేఖ వాణి గత కొంతకాలంగా సినిమాలలో తన స్పీడు తగ్గించింది. సురేఖ వాణి తన భర్త చనిపోయిన తర్వాత ఎక్కువ సినిమాలు చేయటం లేదు. ఇలా సినిమాలలో తక్కువగా కనిపిస్తున్నా కూడా సోషల్ మీడియాలో మాత్రం చాలా యాక్టివ్ గా ఉంటుంది.

సురేఖవాణి తన కూతురు సుప్రీతతో కలిసి సోషల్ మీడియాలో చేసే రచ్చ అంతా ఇంతా కాదు. వీరిద్దరూ తల్లి కుతుర్లలా కాకుండా స్నేహితులలా కనిపిస్తారు .సోషల్ మీడియాలో యాక్టివ్ గా ఉంటూ తమ ఫోటోలతో పాటు వీడియోస్ కూడా షేర్ చేస్తూ ఉంటారు. సురేఖ వాణి కూతురు కూడ ఇప్పుడు ఒక సినిమాలో చిన్న పాత్రలో నటిస్తున్నారు . వీరిద్దరూ సరదాగా వెకేషన్స్ కి వెళ్తూ ఎంజాయ్ చేస్తుంటారు .ఈ క్రమంలో వారు వేసుకునే బట్టల గురించి ఎన్నోసార్లు విమర్శలు ఎదుర్కొన్నారు.

సురేఖ వాణి కూడా తన కూతురికి పోటీగా పొట్టి పొట్టి బట్టలు వేసుకొని డాన్సులు చేస్తూ సందడి చేస్తోంది. అందువల్ల మీ కూతురు బదులు మిమ్మల్ని పెళ్ళి చేసుకుంటారు అంటూ కామెంట్స్ చేస్తున్నారు. ఇలా వారి గురించి నెగెటివ్ కామెంట్స్ చేస్తున్న వారి మీద సుప్రీత విరుచుకుపడింది .ఇటీవల ఒక ఇంటర్వ్యూలో పాల్గొన్న సుప్రిత తమని ట్రోల్ చేస్తున్న వారికి గట్టి సమాధానం ఇచ్చారు.

మాకు కష్టాలు వస్తే ఎవరు ఆదుకోరు కదా…

ఈ సందర్భంగా సుప్రీత స్పందిస్తూ….“మా బట్టలు మా ఇష్టం .. మీ డబ్బులతో మీరు ఏమైనా కొని ఇస్తున్నారా? మా బ్రతుకు మేము బ్రతుకుతున్నాము. మీ నుండి మేము ఏమైనా ఆశిస్తున్నామా? మీ పని మీరు చూసుకోకుండా మాపై మీకెందుకు అంత ఆసక్తి అంటూ గట్టిగా సమాధానం చెప్పింది. నా తండ్రి చనిపోయాడన్న బాధ నుంచి అమ్మను బయటకు తీసుకురావటానికి ప్రయత్నాలు చేస్తుంటే మీరు మాత్రం మీకు తోచినట్టు మాట్లాడుతున్నారు. ఈరోజు మా గురించి ఇలా కామెంట్స్ చేసేవారు.. రేపు మాకు కష్టాలు వస్తే ఎవరైనా సాయం చేస్తారా? మరి అలాంటి వాళ్లు మా గురించి ఇలా ఎందుకు మాట్లాడాలి? అంటూ సుప్రిత నెజిజన్లపై విరుచుకుపడింది .