Anasuya Sister: బుల్లితెర యాంకర్ గా ఎంతో పేరు ప్రఖ్యాతలు సంపాదించుకున్న వారిలో గ్లామరస్ యాంకర్ అనసూయ భరద్వాజ్ ఒకరు. ఈమె ఇండస్ట్రీకి యాంకర్ గా పరిచయం కానంతవరకు యాంకర్ అంటే ఎంతో హుందాగా ఒంటినిండా దుస్తులు వేసుకొని కనిపించేవారు. అయితే అనసూయ యాంకర్ గా ఇండస్ట్రీకి పరిచయమైన తర్వాత గ్లామర్ షో చేస్తూ పెద్ద ఎత్తున ప్రేక్షకులను ఆకట్టుకున్నారు.

ఈ విధంగా జబర్దస్తీ యాంకర్ గా ఎంతో పేరు ప్రఖ్యాతలు సంపాదించుకున్న అనసూయకు రోజు రోజుకు విపరీతమైన ఫ్యాన్ ఫాలోయింగ్ పెరిగిపోయింది.ఇలా ఈమెకు వచ్చిన పాపులారిటీతో బుల్లితెర అవకాశాలు మాత్రమే కాకుండా వెండితెర అవకాశాలను కూడా అందుకున్నారు.ఇలా వరుస వెండితెర సినిమాలలో నటిస్తూ ఎంతో బిజీగా ఉండడంతో ఈమె పూర్తిగా బుల్లితెరకు గుడ్ బై చెప్పి వెండితెరపై సందడి చేస్తున్నారు.

ఇక అనసూయ యాంకర్ గా బుల్లితెర కార్యక్రమాలకు దూరం కావడంతో ఈమె లేని లోటు స్పష్టంగా కనబడుతుంది.అయితే అనసూయ తన స్థానాన్ని భర్తీ చేయడం కోసం తన చెల్లెలు వైష్ణవినీ రంగంలోకి దింపుతుందని తెలుస్తోంది. అనసూయకు ఇద్దరు చెల్లెలు ఉన్న విషయం మనకు తెలిసిందే.ఈ క్రమంలోనే అచ్చం అనసూయ పోలికలతో ఉన్నటువంటి తన సోదరి వైష్ణవిని యాంకర్ గా ఇండస్ట్రీకి పరిచయం చేయడానికి అన్ని ఏర్పాట్లు చేసినట్లు సమాచారం.

Anasuya Sister: జీ తెలుగులో సందడి చేయనున్న వైష్ణవి..

జీ తెలుగులో త్వరలోనే ప్రారంభం కాబోతున్న ఓ కొత్త కార్యక్రమానికి యాంకర్ గా వైష్ణవి పరిచయం కానున్నారట. ఈ క్రమంలోనే ఈ వార్త సోషల్ మీడియాలో వైరల్ కావడంతో అనసూయ లేని లోటును వైష్ణవి తీర్చబోతున్నారని,ఇకపై బుల్లితెర కార్యక్రమాలలో వైష్ణవి హవా కొనసాగుతుందని పెద్ద ఎత్తున అభిమానులు అభిప్రాయపడుతున్నారు. అయితే ఈ విషయంపై త్వరలోనే అధికారిక ప్రకటన రానున్నట్టు సమాచారం.