Anil Raavipudi : అనిల్ రావిపూడి… శౌర్యం, శంఖం, మసాలా, కందిరీగ, దరువు, ఆగడు వంటి చిత్రాలకి సహాయ దర్శకుడిగా తన కెరీర్ ని మొదలుపెట్టి, కళ్యాణ్ రామ్ హీరో గా వచ్చిన పటాస్ చిత్రం తో దర్శకుడిగా తెలుగు చిత్ర పరిశ్రమలో తన ప్రస్తానాన్ని ప్రారంభించాడు. తరువాత సుప్రీమ్, రాజా ది గ్రేట్, సరిలేరు మీకెవ్వరు, ఎఫ్2 వంటి వరుస చిత్రాలతో అభిమానులను ఆకట్టుకున్నారు. అనిల్ రావిపూడి చేసిన అన్ని సినిమాలు విజయాన్ని సాధించడం విశేషం. అయితే తాజాగా అనిల్ రావిపూడి ఎఫ్2 కి సీక్వెల్ గా ఎఫ్3 సినిమా చేస్తున్న సంగతి తెలిసిందే. మే 27 న సినిమా విడుదల ఉండటంతో అనిల్ రావిపూడి చిత్ర ప్రమోషన్లు జోరుగా నిర్వహిస్తున్నారు. పలు టీవీ ప్రోగ్రాంలలోనూ, ఇంటర్వ్యూలలోను చురకుగా పాల్గొంటున్నారు. ఈ క్రమంలోనే బిత్తిరి సత్తితో ఒక ఇంటర్వ్యూలో పాల్గొన్న అనిల్ తన కాలేజీ డేస్ లో జరిగిన ఫన్నీ ఇన్సిడెంట్స్ గురించి చెప్పారు.

భార్య పక్కనే ఉండగా వేరొక అమ్మాయిని చూసేవాడిని…..

అనిల్ రావిపూడి తన భార్య భార్గవి ఇద్దరు ఒకే కాలేజీలో చదువుకున్న సంగతి ఇంతకు ముందు చాలా సందర్భాలలో చెప్పారు . అయితే అనిల్ కాలేజీలో చదుకునేటప్పుడు తన భార్యని కాకుండా తన స్నేహితులతో కలిసి వేరే అమ్మాయికి సైట్ కొట్టేవాడట. కానీ ఆ అమ్మాయి వీళ్లను పట్టించుకోలేదట. ఆ సమయంలో అనిల్ రావిపూడి భార్య అదే బ్యాచ్లో ఉండేదట, తనకు కూడా ఈ విషయం తెలుసట.

కానీ ట్విస్ట్ ఏంటంటే ఫైనల్ గా ఆ అమ్మాయి బ్యాచ్ లో ఉన్న మరో అమ్మాయిని అనిల్ పెళ్లి చేసుకున్నాడు. ఆమెనే భార్గవి. ఈ విషయాల గురించి తెలుసు కాబట్టి కాలేజీ రోజుల్లో నన్ను కాకుండా నువ్వు వేరే అమ్మాయిని చూసేవాడివి అంటూ అప్పుడప్పుడు దెప్పిపొడుస్తుంటుంది, అని ఆయన తాజాగా ఒక ఇంటర్వ్యూలో కాలేజీ డేస్ లోని అనుభవాలని పంచుకున్నారు.