Annapurnamma : తెలుగు ఇండస్ట్రీ లో తల్లి పాత్రలకు కేర్ ఆఫ్ అడ్రెస్ అన్నపూర్ణమ్మ. 700 కి పైగా సినిమాల్లో నటించిన అన్నపూర్ణమ్మ అసలు పేరు ఉమా మహేశ్వరి. నాటకాల ద్వారా మంచి పేరు సంపాదించుకున్న ఆమె దాసరి నారాయణరావు గారి సినిమా ‘స్వర్గం నరకం’ లో మోహన్ బాబు సరసన మొదరి సారి హీరోయిన్ గా నటించారు. ఆ తరువాత కూడా హీరోయిన్ గా అవకాశాలు వచ్చినా క్యారెక్టర్ ఆర్టిస్ట్ గా పరిమితమైంది. ఇక సినిమాల్లో తాను ఎదుర్కొన్న సమస్యలను, తన అనుభవాలను పలు ఇంటర్వ్యూ ల్లో పంచుకున్నారు అన్నపూర్ణమ్మ.
అమ్మ క్షమించనని చెప్పింది…
హీరోయిన్ గా మొదటి సినిమా చేసినా అంతకు ముందే ఒక సినిమా షూటింగ్ అయిపోయి డబ్బింగ్ సమయంలో ‘స్వర్గం నరకం’ సినిమా ఆడిషన్ కి వెళ్లి సెలెక్ట్ అయ్యానని అన్నపూర్ణమ్మ చెప్పారు. ఇక హీరోయిన్ గా షూటింగ్ కి వెళ్ళినపుడు డైరెక్టర్ ఏమీ అనరు కానీ పక్కన ఉన్న వాళ్ళు చాలా మాట్లాడుతారు. ఆ మాటలు నాకు నచ్చలేదు హీరోయిన్ అయితే ఇవన్నీ వినాల్సి వస్తుంది నాకు అవసరమా అని నిర్ణయించుకున్నారు. ఇక వాంప్ పాత్రలు చేయడం కూడా నాకు ఇష్టం లేదు. సినిమా నా జీవితంలో ఎన్ని రోజులు ఉంటుందో నాకు తెలీదు కానీ నా జీవితంలో ఆ పాత్రల ప్రభావం ఉంటుంది. నన్ను ఆ ఉదేశ్యం తో కొంతమంది చూసినా నాకు నచ్చదు అందుకే చేయకూడదు అని నిర్ణయించుకున్నాని.
ఇక షూటింగులో ఒకరు మనకు చెప్పిన మాటను ఇతరులకు చెపుతుంటారు నేను అలాంటి వాటికి చాలా దూరంగా ఉంటాను. చిన్నతనంలోనే ఒక సారి నాకు తెలియకుండానే తప్పు చేశాను. ట్యూషన్ మాస్టర్, నాతో పాటు చదివే అమ్మాయిని ఇష్టపడి వాళ్లిదరు నా ద్వారా ఉత్తరాలు బహుమతులు మార్చుకునే వాళ్ళు ఒకరోజు నేను దొరికిపోయా అప్పుడు నన్ను చెట్టుకు కట్టేసి కొట్టారు. ఆ అమ్మాయి తరుపున వాళ్ళు మా అమ్మ కూడా అడ్డు చెప్పలేదు. కొట్టమని చెప్పింది నన్ను క్షమించనని చెప్పింది. ఇక అప్పుడు పడిన వాతలు చాలా కాలం ఉండిపోయాయి అలా ఇంకెప్పుడు చేయకూడదని నిర్ణయం తీసుకున్నాను అంటూ తన జ్ఞాపకాలను పంచుకున్నారు.