Artist Pramodini : కృష్ణ గాడి వీర ప్రేమగాధ, లై, ఆక్సిజన్ వంటి సినిమాలతో క్యారెక్టర్ ఆర్టిస్ట్ గా తెలుగులో గుర్తింపు అందుకున్న నటి ప్రమోదిని. కర్ణాటక కు చెందిన ప్రమోదిని తెలుగు, కన్నడ, తమిళం ఇలా పలు భాషలలో సినిమాలలో నటిస్తున్నారు. హ్యాష్ ట్యాగ్ బ్రో సినిమాతో మరింత గుర్తింపు అందుకున్న ప్రమోదిని గారు తాజాగా శ్రీ విష్ణు సినిమా సామజవరగమన సినిమాలో నటించి మంచి హాస్యాన్ని పండించారు. ఆమె కెరీర్ గురించి రీసెంట్ గా ఒక ఇంటర్వ్యూలో మాట్లాడారు.
నటన పిచ్చితో అమెరికా నుండి వచ్చేసాను…
చిన్నతనం నుండి ఇండస్ట్రీలో పనిచేసిన ప్రమోదిని గారు పెళ్లి చేసుకున్నాక నటనకు గుడ్ బై చెప్పి ఇక గృహిణిగా ఉండాలని అనుకున్నారట. అలా పెళ్లి చేసుకుని అమెరికా వెళ్లిన ఆమెకు అక్కడ పాప పుట్టాక ఇంట్లోనే ఉంటూ లైఫ్ నచ్చలేదు. అదీ కాక ఎపుడూ షూటింగ్స్ అంటూ బిజీగా ఉండే తాను ఇలా ఖాళీగా ఉండలేక పోయారట.
దాంతో భర్తని అడిగి మళ్ళీ నటించాలని అనుకుంటున్నట్లు చెబితే ఆయన మొదట నువ్వు వెళ్ళు ఇండియాకి అక్కడ నీ కెరీర్ సక్సెస్ అయితే నేను వస్తాను అని చెప్పడంతో మూడేళ్ళ పాపను తీసుకుని ప్రమోదిని ఇండియా వచ్చారట. వచ్చిన వెంటనే కొంతమంది ఇండస్ట్రీలో ఉన్న స్నేహితులకు చెప్పడంతో అవకాశాలు వెంటనే రావడం అటు సీరియల్స్ చేస్తూనే మరోవైపు సినిమాల్లో బిజీ అయ్యారట ప్రమోదిని. ప్రస్తుతం పాప కాలేజీ కి వెళ్తోందని చెప్పారు.