Baby Cinema director Sai Rajesh : హృదయ కాలేయం, కొబ్బరి మట్ట, కలర్ ఫోటో వంటి మూడు సినిమాల తరువాత నాలుగో సినిమాగా ‘బేబీ’ సినిమాను రూపొందించిన సాయి రాజేష్ బేబీ సినిమాకు కూడా విమర్శకుల ప్రశంసలను అందుకున్నారు. సినిమాలో కథను చక్కగా చూపుతూ నటీనటుల నుండి నటన రాబట్టడంలో సక్సెస్ అయిన రాజేష్ బేబీ సినిమా విశేషాలను అలాగే హీరో, హీరోయిన్లకు సన్నివేశాలను ఎలా వివరించారు వంటి విషయాలను ఇంటర్వ్యూలో పంచుకున్నారు.

ఆనంద్ కు రోజూ రెండు పెగ్గులు మందు తాగించా…

కొన్ని సన్నివేశాల కోసం మొహం చాలా పేలాగా ఉండటం కోసం ఆనంద్, అలాగే విరాజ్ కు మందు తాగించిన సందర్భాలు ఉన్నాయంటూ చెప్పి షాకిచ్చాడు డైరెక్టర్ సాయి రాజేష్. ఆనంద్ కి రోజూ సెట్స్ కి వచ్చాక ఒక రెండు పెగ్గుల మందు తాగించి ముందే సీన్ కి సంబంధించిన బిజీఏం వేసి ఫీల్ వచ్చేలా చేసాక నటించమనేవాడిని. అందుకే సీన్స్ చాలా సహజంగానే ఉన్నాయి అంటూ చెప్పారు.

ఇక స్కూల్ లో టీచర్ కొట్టే సీన్ లో వైష్ణవి చైతన్య నిజంగానే కొట్టించుకుంది. షెడ్యూల్ లో లాస్ట్ సీన్ అవడం వల్ల లొకేషన్ మళ్ళీ దొరకదనే టెన్షన్ లో ఉన్నపుడు సీన్ సరిగా రాకపోయే సరికి వైష్ణవి నిజంగానే కొట్టమని చెప్పండి అపుడే ఫీల్ వస్తుందని కొట్టించుకుంది. కానీ కొట్టగానే నాకే కళ్ళళ్ళో నీళ్లు వచ్చాయి. కానీ సీన్ సరిగా రాలేదని ఆలోచిస్తుంటే వైష్ణవి మళ్ళీ కొట్టించుకుంది. అలా మూడు సార్లు అయ్యాక సీన్ ఓకే అయింది. అలా శాడిజం చూపించాను ఆర్థిస్టుల మీద అంటూ చాలా కష్టపడి పనిచేసారు అందరూ, సక్సెస్ ఎంజాయ్ చేస్తున్నాం అని చెప్పారు సాయి రాజేష్.