Balakrishna: అఖండ భారీ విజయంతో జోష్ లో ఉన్నాడు బాలక్రిష్ణ. బోయపాటి డైరెక్షన్ లో వచ్చిన ఈ సినిమా రికార్డుల దుమ్ము దులిపింది. ఏకంగా బాలయ్య కెరీర్ లోనే బిగ్గెస్ట్ హిట్ గా నిలిచింది. బోయపాటి కాంబినేషన్ లో మూడో సినిమా కావడంతో సాధారణంగానే ప్రేక్షకులు, అభిమానుల్లో భారీ అంచానాలు నెలకొన్నాయి. దీనికి అనుగుణంగానే సినిమా భారీ విజయాన్ని నమోదు చేసింది.

వంద కోట్లను క్రాస్ చేసి విజయవంతంగా ప్రదర్శితమవుతోంది. ప్రస్తుతం గోపీచంద్ మలినేని డైరెక్షన్ లో మరో సినిమా చేస్తున్నాడు బాలయ్య.  ఇదిలా ఉంటే మరోవైపు ఓటీటీలో కూడా అదరగొడుతున్నాడు బాలయ్య. ఆహా ఓటీటీలో స్ట్రీమింగ్ అవుతున్న‘ అన్ స్టాపబుల్ విత్ ఎన్బీకే’  టాక్ షో భారీగా సక్సెస్ అయింది.

ఈ షోలో వన్ మ్యాన్ ఆర్మీగా బాలయ్య అదరగొడుతున్నాడు. బాలయ్య ఎనర్జీ లెవల్స్ పీక్స్ లో ఉంటున్నాయి. హోస్ట్ గా బాలయ్య గెస్టులుగా వచ్చే వారిని ఓ ఆట ఆడుకుంటున్నారు. ఇప్పటికే మోహన్ బాబు, రాజమౌళి, శ్రీకాంత్, అల్లు అర్జున్ వంటి వారితో టాక్ షో చేశారు. ఇటీవల మాస్ మహారాజ్ రవితేజతో కూడా ఓ షో చేశారు.

Balakrishna : వారందరికీ వార్నింగ్ ఇచ్చిన బాలయ్య..

ఈ షాట్లో బాలయ్య ఓ రేంజ్ లో మండిపడ్డారు. ‘దొరికితే దవడ పగిలిపోద్ది’ అంటూ వార్నింగ్ కూడా ఇచ్చాడు. ఇంతకి ఈ వార్నింగ్ ఎవరికి ఇచ్చాడో చూద్దాం. ఇటీవల బాలయ్య షోకి గెస్ట్ గా రవితేజ వచ్చాడు. ఇందులో గతంలో మన ఇద్దరికి గొడవ అయిందట కదా..అని బాలయ్య అనగా.. పని పాట లేని డ్యాష్ గాళ్లు.. ఇలాంటి రూమర్లు పుట్టిస్తారని సమాధానం ఇచ్చాడు. కొంతమంది సెటబ్రెటీలతో బాలయ్యకు విరోధం ఉందని సోషల్ మీడియాలో వస్తున్న వార్తలపై ఆయన స్పందించారు. రవితేజతో గొడవ జరిగిందని, చిరంజీవి- బాలయ్య మాట్లాడుకోరని, నాహీరో తోపు నీహీరో సూపు అంటూ సోషల్ మీడియాలో కొంత మంది బాధ్యతారహితంగా కామెంట్లు చేస్తుంటారు. అయితే ఇలాంటి వారందరికి గట్టిగానే వార్నింగ్ ఇచ్చాడు బాలక్రిష్ణ. ఇలా తప్పుడు వార్తలు రాసి పబ్బం గడుపుకునేవారికి ఇదే నా వార్నింగ్.. లెఫ్ట్ హ్యాండ్ కూడా ఇప్పుడు బాగయింది…దొరికితే దవడ పగిలిపోద్ది అంటూ వార్నింగ్ ఇచ్చాడు. దీంతో బాలయ్య అభిమానులు ఖుషీ అవుతున్నారు. ఇలా చేసేవారికి ఇలాంటి వార్నింగ్ లే కరెక్ట్ అంటూ కామెంట్లు చేస్తున్నారు.