Harassment: సహచర హీరోయిన్లపై పెరుగుతున్న లైంగిక దాడులు..న్యాయం చేయండంటూ సీఎంకు లేఖ..!

Harassment: ఏ ఫిలిమ్ ఇండస్ట్రీలో అయినా వివాదాలు కామన్. అయితే ఒక్కోసారి లైంగిక వివాదాల వంటి తీవ్రమైన ఆరోపణలు కూడా వస్తుంటాయి. ప్రస్తుతం అన్ని సినిమా ఇండస్ట్రీల్లో కాస్టింగ్ కౌచ్ కామన్ అయిపోయింది. దీనిపై శ్రీరెడ్డి, చిన్మయి వంటి వారు కూడా గళమెత్తారు.

అన్ని ఇండస్ట్రీల్లోని పలువురు హీరోయిన్లు, ఆర్టిస్టులు కాస్టింగ్ కౌచ్ ఆరోపణలు చేశారు.ఇవన్నీ పక్కన పెడితే ఐదేళ్ల క్రితం మళయాళం ఇండస్ట్రీలో ఓ సంఘటన మాత్రం దేశం వ్యాప్తంగా చర్చనీయాంశం అయింది. తన సహచర హీరోయిన్ పై లౌంగిక వేధింపులు చేసేలా ప్రేరేపించాడు ఓహీరో. ఆహీరో ఎవరో కాదు మళయాళ స్టార్ హీరో దిలీప్ కుమార్.

ఈ ఘటనలో ఆయనే ప్రధాన ఆరోపణలు ఎదుర్కొన్నారు. సదరు హీరోయిన్ ను కిడ్నాప్ చేసి లైంగిక వేధింపులకు పాల్పడ్డారు కొంత మంది వ్యక్తులు. అప్పట్లో ఈ కేసు సంచలనం సృష్టించింది.  మొత్తం 8 మందిని దోషులుగా తేల్చి పోలీసులు అరెస్ట్ చేసి జైలుకు పంపించారు. అయితే ఈ కేసు నిందితుడిగా ఉన్న దిలీప్ ప్రస్తుతం బెయిల్ పై బయటకు వచ్చి ప్రస్తుతం సినిమాలు చేస్తున్నాడు.

ఏకంగా కేరళ సీఎం పినరయి విజయన్ కే  లేఖ ..

అయితే ఈకేసులో ఇంకా తుది తీర్పు రాలేదు. ప్రస్తుతం బెయిల్ పై బయటకు వచ్చిన దిలీప్ కుమార్ సాక్షులను ప్రభావితం చేస్తున్నాడని.. సాక్షాలు తారుమారు చేస్తున్నాడనే అభియోగాలు ఉన్నాయి. అయితే మరోపక్క సదరు హీరోయిన్ కన్నడ చిత్ర పరిశ్రమకు చెందిన వ్యక్తిని పెళ్లాడింది. అయితే ఇదిలా ఉంటే… సదరు హీరోయిన్ తనకు న్యాయం జరగడం లేదని ఏకంగా కేరళ సీఎం పినరయి విజయన్ కే  లేఖ రాసింది. ఈ కేసులో మీరే న్యాయం చేయాలని విజ్ఞప్తి చేసింది. అయితే ఈ లేఖపై సీఎం ఏ నిర్ణయం తీసుకుంటాడో చూడాలి. సదరు హీరోయిన్ తెలుగులో కూడా నటించింది. గోపీచంద్, శ్రీకాంత్ పక్కక హీరోయిన్ గా చేసింది.