Priyanka Jain : మీరు అతనికి బ్రేకప్ చెప్పేయండి..! సీరియల్ నటి ప్రియాంక జైన్ కు నెటిజన్ల సలహా..!

Shiva-Priyanka Jain: ఈరోజు టీవీల్లో వస్తున్న సీరియళ్లు కూడా భారీ స్థాయిలో టీఆర్పీ రేటింగ్స్ సంపాదించుకున్నాయి. అందులో నటులు కూడా ప్రతీ ఇళ్లలో మనుషులుగా మారారు. సాయంత్రం అయితే సీరియళ్లు నడవని ఇళ్లు ఉండవంటే అతిశయోక్తి కాదు. ముఖ్యంగా ఇంట్లో ఉండే మహిళలకు సీరియళ్లు లేనిదే పొద్దు పోని పరిస్థితి కూడా ఉంది. 

ఇదిలా ఉంటే.. సీరియల్ లైఫ్ లో జోడీగా నటించే వ్యక్తులు నిజ జీవితంలో కూడా ఒకటి కావడం మనం చూస్తూనే ఉన్నాం. నిజజీవితంలో పెళ్లిలు కూడా చేసుకున్నారు. సీరియళ్లలో నటించే సమయంలో పెరిగిన పరిచయం ప్రేమగా మారి.. పెళ్లిళ్లు చేసుకున్నారు. తాజాగా మౌనరాగం సీరియల్ ద్వారా అమ్ములు, అంకిత్ పాత్రల్లో ఆకట్టుకున్నారు ప్రియాంక జైన్, శివకుమార్. 

అయితే వీరిద్దరి మధ్య ఏర్పడిన పరిచయం ప్రేమకు దారితీసింది. త్వరలోనే పెళ్లి చేసుకుంటారనే వార్తలు కూడా వినిపిస్తున్నాయి. ప్రస్తుతం శివ కుమార్ స్టార్ మాలో ప్రసారం అవుతున్న ‘ఇంటికి దీపం ఇల్లాలు’ సీరియల్ లో నటించగా… ప్రియాంక జైన్ ‘జానకి కలగనలేదు’ సీరియల్ లో నటిస్తున్నారు.

శివకుమార్ చాలా ఓవర్ చేస్తున్నాడు..

ప్రస్తుతం స్టార్ మా టీవీలో పలు సీరియళ్లలో నటిస్తూ బిజీగా ఉన్నారు వీరిద్దరు. లవ్ లో ఉన్న వీరిద్దరు తరుచూ దేవాలయాలకు వెళుతూ.. ఫోటోలను షేర్ చేస్తుంటారు. సీరియళ్లలో నటిస్తున్న వీరిద్దరికి బయట మంచి ఫ్యాన్ ఫాలోయింగ్ కూడా ఉంది. ఇటీవల ఓ కార్యక్రమంలో శివకుమార్ మాట్లాడుతూ.. నా జీవితంలో అమ్మ, నాన్న, ఒక జైన్ అమ్మాయి మాత్రమే ఉందంటూ కామెంట్ చేశాడు. ఇలా వీరిద్దరి మ్యాటర్ బయటకు రావడంతో నెటిజెన్లు కూడా స్పందిస్తున్నారు. అయితే ఒకరు మాత్రం … శివకుమార్ చాలా ఓవర్ చేస్తున్నాడు, మీరు వెంటనే తనకు బ్రేకప్ చెప్పండి అంటూ ప్రియాంక జైన్ కు సలహా ఇచ్చాడు. అయితే ఈ వ్యాఖ్యలు ప్రస్తుతం సోషల్ మీడియాలో తెగ వైరల్ అవుతున్నాయి.