గంగవ్వ.. ఈ పేరు తెలియని తెలుగు ప్రేక్షకులు ఉండరు. బిగ్ బాస్ 4 సీజన్లో అడుగు పెట్టిన తర్వాత ఆమెకు ఉన్న పాపులారిటీ విపరీతంగా పెరిగిపోయింది. మొదట మై విలేజ్ షో అనే యూట్యూబ్ చానల్ ద్వారా పరిచయం అయిన గంగవ్వ.. త‌న భాష, యాస‌తో ఎంతో మంది అభిమానుల మ‌న‌సులు గెలుచుకుంది.
ఈ షో ద్వారా ఆమెకు ప్రపంచ వ్యాప్తంగా అభిమానులు ఏర్ప‌డ్డారు. ఆమె గొంతులో ఏదో ఆకర్షణ.. ఆమె మాట్లాడుతుంటే మన అవ్వ మాట్లాడిన అనుభూతి. అందుకే ఆమె అతి తక్కువ కాలంలోనే యూట్యూబ్ స్టార్‌గా ఎదిగారు. బోలెడంత పాపులారిటీ సంపాదించుకున్నారు. ఆమె మాట్లాడుతుంటే.. మన ఇంట్లో పెద్దలు మాట్లాడినట్లే ఉంటుంది.
అందుకనే గంగవ్వకు చాలా మంది కనెక్ట్ అయ్యారు. ఆమె ఏ వీడియోలు పోస్టు చేసినా.. చూసేస్తున్నారు. ఇదిలా ఉండగా.. బిగ్ బాస్ లోకి అడుపెట్టిన తర్వాత నాగార్జున తనకు ఇల్లు కట్టిస్తానని చెప్పిన విషయం తెలిసిందే. ఇటీవల ఆమె కొత్త ఇంట్లోకి అడుగుపెట్టింది. దానికి సంబంధించి ఫొటోలు, వీడియోలు తీసుకొని యూట్యూబ్ లో పోస్టు చేశారు గంగవ్వ.
అయితే ఈ సందర్భంగా కొందరు బిజీగా ఉండటంతో రాలేకపోయారని.. వచ్చిన వారికి ధన్యవాదాలు తెలిపారు. ఇంటి నిర్మాణానికి సహకారం అందించిన బిగ్ బాస్ నిర్వాహకులకు, నాగార్జునకు ఆమె కృతజ్ఞతలు తెలియజేశారు. ఈ కార్యక్రమానికి అఖిల్, శివజ్యోతి వచ్చారని.. చాలా సంతోషంగా ఉందని ఆమె ఆనందం వ్యక్తం చేశారు.