Bindu Madhavi: బిందుమాధవి వెండితెర నటిగా బిగ్ బాస్ విన్నర్ గా అందరికీ సుపరిచితమే. అష్టాచమ్మా ఆవకాయ బిర్యాని వంటి పలు సినిమాలలో నటించి ప్రేక్షకులను మెప్పించిన బిందు మాధవి గత కొంతకాలం నుంచి ఇండస్ట్రీకి దూరమయ్యారు. తమిళ ఇండస్ట్రీకి ఎంట్రీ ఇచ్చి అక్కడ కూడా అవకాశాలు కోసం ఎదురు చూశారు. అయితే అక్కడ కూడా అడపాదడపా సినిమాల్లో నటించిన ఈమె బిగ్ బాస్ ఎంట్రీ ఇచ్చారు.

తమిళ బిగ్ బాస్ కార్యక్రమంలో విజయం సాధించనీ బిందుమాధవి తెలుగు బిగ్ బాస్ నాన్ స్టాప్ కార్యక్రమానికి విజేతగా నిలిచి మొదటిసారిగా మహిళ విజేతగా చరిత్ర సృష్టించారు.ఇకపోతే ఈమె బిగ్ బాస్ విన్నర్ గా నిలవడంతో తనకు పెద్ద ఎత్తున అవకాశాలు వెల్లువెత్తుతున్నాయి. ఇప్పటికే పలు సినిమా అవకాశాలు కూడా వస్తున్నట్లు సమాచారం.

బిగ్ బాస్ కార్యక్రమం ద్వారా ఈమె సుమారు 40 లక్షల రూపాయల వరకు ప్రైజ్ మనీ తీసుకున్నట్లు తెలుస్తోంది. ఇక ఈ కార్యక్రమానికి విజేతగా నిలిచిన బిందుమాధవికి బాలకృష్ణ అనిల్ రావిపూడి సినిమాతో పాటు మరికొన్ని సినిమా అవకాశాలు వెల్లువెత్తుతున్నాయని తెలుస్తోంది.అయితే ఈమె ఒక్కో సినిమాకు భారీ మొత్తంలో రెమ్యూనరేషన్ డిమాండ్ చేస్తున్నట్లు సమాచారం.

సానుకూలంగా నిర్మాతలు…

ఇదివరకు బిందుమాధవి ఒక్కో సినిమాకు 25 లక్షల వరకు రెమ్యూనరేషన్ తీసుకునేవారు. ఇక ఈమె బిగ్ బాస్ విన్నర్ అయిన తర్వాత ఒక్క సినిమాకు ఏకంగా యాభై లక్షలు రెమ్యునరేషన్ డిమాండ్ చేస్తున్నట్లు తెలుస్తోంది. ఇలా ఒక్కో సినిమాకు రెండింతలు రెమ్యునరేషన్ పెంచి అందరికీ షాక్ ఇచ్చారు.అయితే బిగ్ బాస్ ద్వారా ఎంతో గుర్తింపు సంపాదించుకున్న ఈమె అడిగిన రెమ్యునరేషన్ ఇవ్వడానికి నిర్మాతలు కూడా సానుకూలంగా ఉన్నట్లు తెలుస్తోంది.