Actress Namitha: ఘనంగా సీమంతం జరుపుకున్న నటి నమిత.. ఫోటోలు వైరల్!

Actress Namitha: సొంతం సినిమా ద్వారా వెండితెరకు పరిచయమైన నటి నమిత గురించి ప్రత్యేకంగా చెప్పాల్సిన పనిలేదు. వెండితెరపై నమిత, జెమిని, ఒక రాధ ఇద్దరు కృష్ణులు, ఒక రాజు ఒక రాణి, బిల్లా, సింహ వంటి సినిమాల ద్వారా తెలుగు ప్రేక్షకులను సందడి చేశారు. అయితే గత కొంత కాలం నుంచి నమిత పూర్తిగా ఇండస్ట్రీకి దూరమయ్యారు.

ఈ విధంగా ఇండస్ట్రీకి దూరమైన నమిత వైవాహిక జీవితంలో స్థిరపడి తన వ్యక్తిగత జీవితాన్ని ఎంతో ఎంజాయ్ చేస్తున్నారు. ఈ క్రమంలోనే 2017 వ సంవత్సరంలో ప్రముఖ వ్యాపారవేత్త వీరేంద్ర చౌదరి అనే వ్యక్తిని ఈమె తిరుపతిలో ఎంతో ఘనంగా వివాహమాడారు. వివాహమైన తర్వాత నమిత పూర్తిగా సినిమాలకు దూరమయ్యారు.

ఇకపోతే మే 10వ తేదీ నమిత పుట్టినరోజు సందర్భంగా ఈమె తాను ప్రెగ్నెంట్ అనే విషయాన్ని బయటపెట్టారు. అప్పటి నుంచి నమిత నిత్యం తన ప్రెగ్నెన్సీ గురించి ఎన్నో అనుభూతులను సోషల్ మీడియా వేదికగా అభిమానులతో పంచుకోవడమే కాకుండా తన బేబీ బంప్ ఫోటోలను సోషల్ మీడియాలో షేర్ చేస్తూ ఉండేవారు.

సాంప్రదాయబద్ధంగా సీమంతం వేడుక

తాజాగా నమిత సాంప్రదాయబద్ధంగా కుటుంబ సభ్యుల సమక్షంలోనే సన్నిహితుల సమక్షంలో ఎంతో ఘనంగా సీమంతం వేడుకలను జరుపుకున్నట్లు తెలుస్తోంది. ఈ క్రమంలోనే తన సీమంతానికి సంబంధించిన ఫోటోలు సోషల్ మీడియాలో వైరల్ అవుతున్నాయి.ఇక ఈ ఫోటోలను చూసిన ఎంతో మంది నెటిజన్లు, సినీ ప్రముఖులు శుభాకాంక్షలు తెలియజేస్తున్నారు. మరి కొద్ది రోజులలోనే నమిత ఓ పండంటి బిడ్డకు జన్మని ఇవ్వబోతున్నారు.