టాలీవుడ్ స్టార్ హీరో విజయ్ దేవరకొండకు రాను రాను బాలీవుడ్ లో క్రేజ్ పెరిగిపోతోంది. విజయ్ తో కలిసి నటించేందుకు బాలీవుడ్ హీరోయిన్లు కూడా ఆసక్తి చూపుతున్నారు. బాలీవుడ్ స్టార్ సైఫ్ అలీ ఖాన్ కుమార్తె సారా అలీ ఖాన్ టాలీవుడ్‌కు చెందిన హీరో విజయ్ దేవరకొండపై షాకింగ్‌ కామెంట్స్ చేసింది.
ఓ కార్యక్రమంలో మాట్లాడుతూ విజయ్ పై తనకున్న అభిమానాన్ని వెల్లడించింది. తాజాగా సారా నటించిన చిత్రం అటట్రాంగి రే చిత్రం డిసెంబర్‌ 24న ఓటీటీలో విడుదల కాబోతోంది. ఈ నేపథ్యంలో మూవీ ప్రమోషన్స్‌లో భాగంగా సారా ఇటీవల ఓ ఇంటరర్య్వూలో పాల్గొంది. ఈ సందర్భంగా ఆమెను దక్షిణాదిలో ఏ హీరోతో చేయాలని ఉందని అడగ్గా వెంటనే విజయ్ దేవరకొండ పేరు చెప్పేసింది సారా.
విజయ్ చాలా హాట్ గా ఉంటాడని, కూల్ గా కూడా ఉంటాడని చెప్పింది. అతనితో కలిసి నటించాలని ఉందని తెలిపింది. విజయ్ తన ఫేవరెట్ స్టార్ అని చెప్పింది. విజయ్ తో సంబంధం గురించి ఆమె అంతకముందు కూడా ఒక సెల్ఫీని సోషల్ మీడియాలో పోస్ట్ చేసింది. అప్పట్లో ఈ ఫొటో తెగ వైరల్ అయింది. ఇద్దరు కలిసి డేటింగ్ లో ఉన్నారనే వార్తలు కూడా అప్పట్లో వైరల్ అయ్యాయి.
ప్రస్తుతం సారా విజయ్ తో నటించాలని ఉందన చెప్పడంతో ఆమె మాటలు తెగ వైరల్ అవుతున్నాయి. ఇక విజయ్ దేవరకొండ ‘లైగర్’ సినిమాలో నటిస్తున్న విషయం తెలిసిందే. దీని ద్వారా అతడు బాలీవుడ్ లో ఎంటర్ కానున్నాడు. దీనికి నిర్మాతగ కరణ్‌ జోహార్‌, నటి చార్మిలు సంయుక్తంగా నిర్మిస్తున్నారు. ఈ మూవీలో అనన్య పాండే హీరోయిన్ గా నటిస్తోంది.