Chiranjeevi: మెగాస్టార్ చిరంజీవి ప్రస్తుతం వాల్తేరు వీరయ్య సినిమా ప్రమోషన్ కార్యక్రమాలలో బిజీగా ఉన్నారు. ఈ సినిమా ప్రమోషన్ కార్యక్రమాలలో భాగంగా ఈయన సినిమా గురించి ఎన్నో విషయాలను ప్రస్తావించడమే కాకుండా కొన్ని వ్యక్తిగత విషయాలను కూడా అందరితో పంచుకుంటున్నారు.

ఈ సినిమా ప్రమోషన్ కార్యక్రమాలలో భాగంగా చిరంజీవి తన తమ్ముడు పవన్ కళ్యాణ్ గురించి కూడా ప్రస్తావించడమే కాకుండా ఈయన చేసినటువంటి కొన్ని కామెంట్స్ రాజకీయ పరిణామాలకు కూడా కారణమవుతున్నాయి. ఈ క్రమంలోనే పవన్ కళ్యాణ్ గురించి చిరంజీవి మాట్లాడుతూ..సినిమా రంగంలో కోట్లు సంపాదించే అవకాశం ఉన్న పవన్ కళ్యాణ్ మాత్రం రాజకీయాలలోకి వెళ్లారని తెలిపారు.

ఇలా రాజకీయాలలోకి ప్రజాసేవ చేయడం కోసం వెళ్ళిన పవన్ కళ్యాణ్ ను చాలా మంది అభ్యంతరకరమైన పదజాలం ఉపయోగించి తిడుతున్నారు.అలా నా తమ్ముడిని తిట్టిన వాళ్లే నా దగ్గరకు వచ్చి వాళ్ళ ఇంట్లో జరిగే పెళ్లిళ్లు ఇతర శుభకార్యాలకు నన్ను ఆహ్వానిస్తున్నారని ఈయన తెలియజేశారు.

Chiranjeevi: అలా ఆహ్వానించడం బాధగా అనిపిస్తుంది…

ఇలా పవన్ ను తిట్టి నన్ను శుభకార్యాలకు ఆహ్వానించడం నాకు చాలా బాధగా ఉంటుందని చిరంజీవి చేసినటువంటి ఈ కామెంట్ సోషల్ మీడియాలో వైరల్ అయ్యాయి. అయితే చిరంజీవి రాజకీయ నాయకులను ఉద్దేశించి ఇలాంటి వ్యాఖ్యలు చేశారా లేదా సినీ ఇండస్ట్రీలో కొందరిని ఉద్దేశించి ఇలాంటి వ్యాఖ్యలు చేశారా అన్న విషయం గురించి ప్రస్తుతం చర్చలు మొదలయ్యాయి. ఏది ఏమైనా చిరు చేసిన ఈ కామెంట్స్ ప్రస్తుతం వైరల్ అవుతున్నాయి.