Karate Kalyani:టాలీవుడ్ ఇండస్ట్రీలో ఎన్నో సినిమాల్లో క్యారెక్టర్ ఆర్టిస్ట్ గా నటించి మంచి గుర్తింపు సంపాదించుకున్న కరాటే కళ్యాణి గురించి అందరికీ సుపరిచితమే. అయితే తాజాగా ఈమె యూట్యూబర్ శ్రీకాంత్ రెడ్డి అనే వ్యక్తితో తీవ్రస్థాయిలో గొడవ పెట్టుకుంది. ఈ గొడవలో పరస్పరం ఒకరిపై మరొకరు దాడి చేసుకున్నారు.
కరాటే కళ్యాణి ఈ విధంగా తనతో గొడవ పెట్టుకోవడానికి గల కారణం ఏమిటి అనే విషయానికి వస్తే.. శ్రీకాంత్ రెడ్డి అనే వ్యక్తి యూట్యూబ్ ఫ్రాంక్ వీడియోలు చేస్తూ రోడ్డుపై ఫ్రాంక్ పేరుతో మహిళలను అవమాన పరుస్తున్నారు. మరికొన్నిసార్లు స్క్రిప్టెడ్ వీడియోస్ తీసి అందులో అడల్ట్ కంటెంట్ తో మహిళలతో ప్రాంక్ చేస్తూ మహిళలను అవమాన పరుస్తున్నారు.
ఈ క్రమంలోనే గురువారం రాత్రి కరాటే కళ్యాణి యూసఫ్ కూడా బస్తీ ప్రాంతంలో యూట్యూబర్ శ్రీకాంత్ తో గొడవ పెట్టుకున్నారు. ఈ క్రమంలోనే ఇద్దరి మధ్య పరస్పరం దాడి జరిగింది. ఈ దాడిలో శ్రీకాంత్ రెడ్డి గాయాలపాలయ్యారు.ఈ క్రమంలోనే కరాటే కళ్యాణి ఫ్రాంక్ వీడియోల పేరుతో మహిళలను అవమాన పరుస్తున్నారంటూ అతనిని దారుణంగా చితక బాదింది.
ఫ్రాంక్ పేరుతో అవమానం…
ఈ విధంగా వీరిద్దరూ ఒకరిపై మరొకరు దాడి చేసుకున్న అనంతరం ఎస్ ఆర్ నగర్ పోలీస్ స్టేషన్ లో ఫిర్యాదు చేశారు. ప్రస్తుతం వీరిద్దరి మధ్య జరిగిన గొడవకు సంబంధించిన వీడియోలు సోషల్ మీడియాలో వైరల్ అవుతున్నాయి. అయితే ఈ ఘటనకు సంబంధించిన పూర్తి సమాచారం తెలియాల్సి ఉంది.
