Custody Movie: అక్కినేని నాగచైతన్య తాజాగా నటించిన చిత్రం కస్టడీ డైరెక్టర్ వెంకట్ ప్రభు దర్శకత్వంలో తెరకెక్కిన ఈ సినిమా తెలుగు తమిళ భాషలలో ప్రేక్షకుల ముందుకు వచ్చింది. ఈ సినిమాలో నాగచైతన్య సరసన కృతి శెట్టి నటించారు.ఇలా ఈ సినిమా ద్వారా తమిళ ప్రేక్షకుల ముందుకు నాగచైతన్య వచ్చారు. అయితే ఈ సినిమాపై ఎన్నో అంచనాలు పెట్టుకున్నప్పటికీ ఈ సినిమా మాత్రం అనుకున్న స్థాయిలో ప్రేక్షకులను ఆకట్టుకోలేక పోయిందని చెప్పాలి.
దాదాపు ఈ సినిమా ద్వారా నిర్మాతలు 17 కోట్ల వరకు నష్టపోయారని తెలుస్తుంది. ఇలా ఎన్నో అంచనాల నడుమ థియేటర్లలో మే 12వ తేదీ విడుదలైనటువంటి ఈ సినిమా ప్రేక్షకులను మెప్పించలేకపోయింది. ఇక ఈ సినిమా హక్కులను ప్రముఖ ఓటీటీ సంస్థ అమెజాన్ ప్రైమ్ కొనుగోలు చేసిన విషయం మనకు తెలిసిందే. ఈ క్రమంలోనే ఈ సినిమా ప్రస్తుతం అమెజాన్ ప్రైమ్ వీడియోలో ప్రేక్షకులకు అందుబాటులోకి వచ్చింది.
థియేటర్లలో ప్రేక్షకులను మెప్పించలేకపోయిన కస్టడీ సినిమా ఓటీటీలో మాత్రం పరవాలేదు అనిపించుకుంది.
ఈ సినిమా ఓటీటీలో విడుదలైనప్పటి నుంచి ఇప్పటివరకు అక్కడ టాప్ ప్లేస్ లోనే కొనసాగుతోంది. ఓటీటీలో కూడా ఈ సినిమాకు వస్తున్న రెస్పాన్స్ కూడా చాలా డీసెంట్ గా ఉండడంతో వ్యూవర్ షిప్ కూడా పెరుగుతుంది.
Custody Movie: ఓటీటీలో సక్సెస్ కొట్టిన చైతన్య…
ఏది ఏమైనా థియేటర్లలో ప్రేక్షకులను మెప్పించలేకపోయిన ఈ సినిమా ఓటీటీలో మాత్రం మంచి ప్రేక్షకాదరణ పొందిందని చెప్పాలి.ఇక ఈ సినిమా తర్వాత నాగచైతన్య తన తదుపరి చిత్రాన్ని గీత ఆర్ట్స్ బ్యానర్ లో చేస్తున్నారని వార్తలు వస్తున్నాయి. ఈ సినిమాకు కార్తికేయ 2 డైరెక్టర్ చందు మొండేటి దర్శకత్వం వహించబోతున్నట్టు సమాచారం. త్వరలోనే ఈ సినిమాకు సంబంధించి పూర్తి వివరాలు తెలియనున్నాయి.