Sudigali Sudheer: బుల్లితెర స్టార్ గా ఎంతో పేరు సంపాదించుకున్న వారిలో సుడిగాలి సుధీర్ ఒకరు. మిమిక్రీ ఆర్టిస్ట్ గా పనిచేసే ఈయన జబర్దస్త్ కార్యక్రమంలో ధనరాజ్ టీమ్ లో కమెడియన్ గా పనిచేస్తూ నేడు హీరోగా వెండితెరపై అవకాశాలు అందుకునే స్థాయికి ఎదిగారు. చిన్నప్పటినుంచి ఎంతో కష్టపడుతూ అంచెలంచెలుగా ఎదుగుతూ నేడు బుల్లితెరపై స్టార్ నటుడిగా కొనసాగడమే కాకుండా వెండితెర హీరోగా కూడా ప్రేక్షకులను సందడి చేస్తున్నారు.

ఈ విధంగా సుడిగాలి సుదీర్ ఎన్నో కష్టాలను అనుభవిస్తూ అంచెలంచెలుగా ఎదిగి ఎందరికో ఆదర్శంగా నిలిచారని ధనా ధన్ ధన్ రాజు సుధీర్ గురించి పలు ఆసక్తికరమైన విషయాలను వెల్లడించారు. ఈ సందర్భంగా ఒక ఇంటర్వ్యూలో పాల్గొన్న ధనరాజ్ సుధీర్ అసలు వ్యక్తిత్వం ఎంటో బయటపెట్టారు.సుధీర్ తన టీమ్ లో కమెడియన్ గా పనిచేసినప్పటి నుంచి ప్రతి ఒక్కరితో ఎంతో గౌరవంగా మాట్లాడేవారు.

ఇప్పటికీ ఆయన ఇతరుల పట్ల అంత గౌరవంగా ఉంటారు కనుక అతనికి అంత మంది ఫ్యాన్ ఫాలోయింగ్ ఉన్నారు.చిన్నప్పటి నుంచి సుదీర్ చూడని కష్టం అంటూ లేదు చిన్నప్పుడే తన కుటుంబ భారాన్ని తన భుజాలపై వేసుకొని సుధీర్ ఎంతో కష్టపడి నేడు ఈ స్థాయికి వచ్చారు. ఈతరం వారందరూ కూడా సుదీర్ ను ఆదర్శంగా తీసుకోవాలని ధనరాజ్ తెలిపారు.

సుధీర్ చాలా మారాలి…

ఇకపోతే సుధీర్ బుల్లితెర కార్యక్రమాల్లో, తన స్కిట్ లలో నిత్యం అమ్మాయిలతో ఎంతో చనువుగా ఉంటారు కానీ వ్యక్తిగత జీవితంలో అలా కాదు. సుధీర్ కనీసం పార్టీలకు కూడా సరిగ్గా అటెండ్ కారు. 9 గంటలు అయితే సుధీర్ ఫోన్ కూడా సరిగా పని చేయదు. అయితే సుధీర్ కిఇంత స్టార్డం వచ్చిన తర్వాత కూడా ఆయన తన పై పంచులు వేయించుకోవడం అవసరమా. ఈ విషయంలో సుధీర్ మారాలి అంటూ ధనరాజ్ తన మనసులో ఉన్న మాటలను బయట పెట్టారు.