బిగ్ బాస్ హౌస్ లో మొన్న జరిగిన టాస్క్ లో సిరికి.. సన్నీకి మధ్య విపరీతమైన గొడవ జరిగిన విషయం తెలిసిందే. దాని ఎఫెక్ట్ తో వారిద్దరు ఒకరినొకరు మాట్లాడుకోకపోవడంతో పాటు.. హౌస్ లో ఎవరికి వారు సపరేట్ గా కూర్చుని.. ఒంటరిగా కనిపించారు. సిరి.. సన్నీతో గొడవ కారణంగా బాగా హర్ట్ అయినట్లు కనిపించింది.
నైట్ అంతా ఏడుస్తూ కనిపించింది. ఒక్క గేమ్‌ ఓడిపోతే ఓడిపోయినట్లేనా అంటూ అర్ధరాత్రి 1 గంటలకు గుక్కపెట్టి ఏడ్చింది. తర్వాత ఆమెను షణ్ముక్ దగ్గరకు తీసుకొని ఓదార్చాడు. హౌస్ లో మిగతా వాళ్లు ఏమన్నా పట్టించుకోకు.. నేను ఏదైనా అంటే ఫీల్ అవ్వు సిరి అంటూ చెప్పుకొచ్చాడు. ఇక నిన్నటి ఎపిసోడ్ లో హౌస్ లోని జ్యోతిష్యురాలు శాంతిని పంపాడు బిగ్‌బాస్‌.
అందులో ఆమె సీక్రెట్ రూంలో ఉండి స్క్రీన్ పై ఆమె.. హౌస్ లో ఉన్న సభ్యుల జాతకాలు చెప్పింది. సిరి జాతకం చెబుతూ.. సిరి హౌస్ నుంచి బయటకు రాగానే పెళ్లి చేసుకొని.. హనీమూన్ కు వెళ్తుందని చెప్పింది. బిగ్ బాస్ ఓ అనౌన్స్ మెంట్ చేయగానే అందరూ షాక్ కు గురవుతారు. అందరూ సూట్ కేసులు సర్దుకొని రండి అంటూ చెప్పాడు. దీంతో ఇంటి సభ్యులందరూ సూట్‌కేసులు ప్యాక్‌ చేసుకోమని హౌస్ బయటకు వచ్చాడు.
ఇక మీలో ఒకరి ప్రయాణం ముగిసిందని.. బయటకు వెళ్లే సమయం ఆసన్నమైందని చెప్పుకొచ్చాడు. అందరు తమ అభిప్రాయాలు చెప్పిన తర్వాత ఇంటి నుంచి సిరిని బయటకు రావాలని బిగ్ బాస్ ఆదేశిస్తాడు. ఆమె ఇంటి నుంచి బయటకు అడుగు పెట్టి కన్ఫెషన్ రూంలోకి పంపిస్తారు. తర్వాత మళ్లీ 5 నిమిషాలకే హౌస్ లోకి పంపి షాక్ ఇస్తాడు. దీంతో హౌస్ సభ్యులతో పాటు.. ఆమె కూడా ఆనందంతో ఉప్పొంగిపోయారు.