Director Teja: డైరెక్టర్ తేజ ఈ పేరు గురించి పరిచయం అవసరం లేదు. ఈయన దర్శకత్వంలో సినిమా వచ్చింది అంటే మినిమం సినిమా గ్యారంటీ అనే టాక్ ఉంటుంది. ఇప్పటివరకు ఈయన దర్శకత్వంలో సినిమాలు చేసిన నిర్మాతలు పెద్దగా నష్టపోయిన దాఖలాలు లేవు. ఎందుకంటే బడ్జెట్ విషయంలో తేజ ఆచితూచి అడుగులు వేస్తారు. ఈయన సినిమా బడ్జెట్ చాలా తక్కువలో పూర్తి చేయడం వల్ల నిర్మాతలకు పెద్దగా నష్టాలు రావని చెప్పాలి.
ఈ విధంగా ఈయన అప్పట్లో తెరకెక్కించిన చిత్రం సినిమా కేవలం 30 లక్షలలో పూర్తి చేశారు. ఇకపోతే ప్రస్తుతం తేజ తన కుమారుడను ఇండస్ట్రీకి పరిచయం చేయాలని భావిస్తున్నారట. దీంతో ఏకంగా తన కొడుకు కోసం 30 కోట్ల భారీ బడ్జెట్ చిత్రాన్ని ప్లాన్ చేస్తున్నట్లు సమాచారం. తేజ కుమారుడు అమితోవ్‌ విక్రమాదిత్య పేరుతో టాలీవుడ్ ఇండస్ట్రీకి పరిచయం కానున్నారు.ఈ క్రమంలోనే ఈయన హీరోగా తెరకెక్కే ఈ సినిమాని భారీ బడ్జెట్ చిత్రంగా ప్లాన్ చేస్తున్నట్లు సమాచారం.
తేజ తన కొడుకుని లాంచ్ చేస్తున్న నేపథ్యంలో ఇలాంటి భారీ బడ్జెట్ చిత్రం ప్లాన్ చేశారు అనుకుంటే పొరపాటే. స్వాతంత్రానికి ముందు జరిగిన సంఘటనల ఆధారంగా ఈ సినిమా రాబోతోందట. దీంతో ఈ సినిమా షూటింగ్ కోసం భారీ సెట్ వేయాల్సి రావడంతో అధిక ఖర్చు అవుతుందని, అలాగే కాస్టింగ్ విషయంలో కూడా ఎక్కువమంది అవసరం కావడంతో ఈ సినిమాకు ఈ రేంజ్ లో ఖర్చు అవుతుందని తెలుస్తుంది.
తేజ కెరియర్ లో మొట్టమొదటి భారీ బడ్జెట్ సినిమా ఇదే..
ఇక ప్రస్తుతం ఈ సినిమాకు సంబంధించిన స్క్రిప్ట్ పనులలో తేజ ఎంతో బిజీగా గడుపుతున్నారు. ఇక ఈ సినిమా తేజ దర్శకత్వంలోని తెరకెక్కనుంది. త్వరలోనే ఈ సినిమా గురించి పూర్తి సమాచారాన్ని అందించనున్నట్లు తెలుస్తోంది. ఇకపోతే తేజ సినీ కెరియర్ లో అత్యంత భారీ బడ్జెట్ సినిమా ఇదే. మరి ఈ సినిమాతో తేజ ఎలాంటి ఫలితాలను అందుకుంటారో వేచి చూడాలి.