Megastar Dupe: సినిమా పరిశ్రమలో స్టార్ హీరోలు ఎంత యాక్ట్ చేస్తారో.. రిస్క్ షాట్ లను చేయడానికి కొంతమంది వెనకడుగు వేస్తారు. అయితే ఆ స్థానంలో ఆ సీన్లను తీయాలంటే.. కచ్చితంగా డూప్ లు ఉండాల్సిందే. అయితే అంత రిస్కీ సీన్లు చేసినా ఇదివ‌ర‌కు వారి గురించి పెద్ద‌గా ఎవ్వ‌రికీ తెలిసేది కాదు.
అయితే సోష‌ల్ మీడియా విరివిగా వాడుతున్న ఈ కాలంలో డూప్‌ల గురించి కూడా బాగా తెలుస్తోంది. కొన్ని ఛానెళ్లు వాళ్లను లైమ్‌టైమ్‌లోకి తీసుకోవడంతోనే ఇప్పుడు డూప్ లకు ఆదరణ ఎక్కువగా పెరిగింది. టాలీవుడ్ లో ఉన్న ప్రతీ స్టార్ హీరోలకు డూప్ లు ఉన్నారు. అయితే ఒక్కో సినిమాకు.. ఒక్కోడూప్ మారుతూ ఉంటారు.
కానీ మెగస్టార్ చిరంజీవికి మాత్రం అలా కాదు. గత 30 ఏళ్ల నుంచి చిరంజీవికి అతడే డూప్ గా చేస్తున్నాడు. అతడి పేరు ప్రేమ్ కుమార్. అతడిది ప‌శ్చిమ గోదావ‌రి జిల్లా. పాల‌కొల్లు మార్టూర్‌కి చెందిన ప్రేమ్ కుమార్ 30 ఏళ్లుగా చిరంజీవి డూప్‌గా చేస్తున్నారు. అంతేకాదు ప్రేమ్ కుమార్ రికార్డింగ్ డ్యాన్స్ పేరిట ఆయ‌న‌కు ఒక కంపెనీ కూడా ఉంది.
ఇటీవల ప్రేమ్ కుమార్ ఓ షోకి వచ్చి ఆసక్తికరమైన విషయాలను వెల్లడించాడు. రికార్డింగ్ డ్యాన్సర్లంటే.. చిన్న చూపు ఏర్పడిందని.. వారికి ఆదరణ లేక ఇబ్బందులు పడుతున్నారంటూ ఆవేదన వ్యక్తం చేశాడు. వారిని ఆదుకునే బాధ్యత సినీ పరిశ్రమకు ఉందన్నారు.
60 ఏళ్ల వయస్సులో కూడా ఇలా..
ఇక మెగస్టార్ చిరంజీవి విషయానికి వస్తే.. అతడు రాజకీయంలో ఉన్నప్పుడు సినిమాలకు స్వస్తి చెబుతాడు అనుకున్నారు. కానీ మళ్లీ అనూహ్యంగా సనిమాలోకి ఎంట్రీ ఇచ్చి.. వరుస సినిమాలు చేస్తూ ఫుల్ బిజీ అయిపోయాడు. అతడి చేతిలో ఇప్పటికే నాలుగైదు సినిమాలు ఉన్నాయి. ఇటీవల మరో సినిమాను కూడా ఓకె చేసినట్లు వార్తలు వినిపిస్తున్నాయి. ఇలా అతడి చేతిలో అరడజన్ సినిమాలు ఉన్నాయి. ఈ సినిమాను డీవీవీ దానయ్య నిర్మాతగా తెరకెక్కిస్తున్నారు. ఆరుపదుల వయస్సులో కూడా చిరంజీవి ఎనర్జీ చూసి చాలామంది ఔరా అంటున్నారు.